ନୟାଗଡ଼, (ବାଘୁଆବାର୍ତ୍ତା): ମୁମ୍ବାଇ ପୋଲିସ ଦ୍ୱାରା ରିପବଲିକ ଟିଭିର ବରିଷ୍ଠ ସାମ୍ବାଦିକ ଅର୍ଣ୍ଣବ ଗୋସ୍ୱାମୀଙ୍କ ଗିରଫକୁ ବିରୋଧକରି ନୟାଗଡ଼ ବିକାଶ ମଞ୍ଚ ପକ୍ଷରୁ ନୟାଗଡ଼ ପୁରୁଣା ବସଷ୍ଟାଣ୍ଡ ଠାରେ ବିକ୍ଷୋଭ ପ୍ରଦର୍ଶନ କରଯାଇଥିଲା l ଏହି ଅବସରରେ ଦେଶର ଜଣେ ବରିଷ୍ଠ ସାମ୍ବାଦିକଙ୍କୁ ମୁମ୍ବାଇ ପୋଲିସର ଅମାନବୀୟ ବ୍ୟବହାରକୁ ମଞ୍ଚର କର୍ମକର୍ତା ମାନେ ନିନ୍ଦା କରିଥିଲେ l ମୁମ୍ବାଇରେ ଉଦ୍ଧବ ଥାକେର ସରକାରଙ୍କ ଏକଚ୍ଛତ୍ରବାଦି କାର୍ଯ୍ୟକଳାପ ଦିନକୁ ଦିନ ବୃଦ୍ଧି ପାଇବାକୁ ଲାଗିଥିବା ବେଳେ ଜଣେ କାର୍ଯ୍ୟରତ ସାମ୍ବାଦିକଙ୍କୁ ପୋଲିସ ବଳପୂର୍ବକ ଭାବେ ଉଠାଇ ନେବା ସମ୍ପୂର୍ଣ ଅଗଣତାନ୍ତ୍ରିକ ବୋଲି ନୟାଗଡ଼ ବିକାଶ ମଞ୍ଚର ଅଧକ୍ଷ ଶିବରାମ ମହାପାତ୍ର ମତ ବ୍ୟକ୍ତ କରିଥିଲେ l ଶେଷରେ ଶିବ ସେନାମୁଖ୍ୟ ଉଦ୍ଧବ ଠାକରେଙ୍କର କୁଶ ପୁତ୍ତଲିକl ଦାହ କରାଯାଇଥିଲା l ଆଜିର କାର୍ଯ୍ୟକ୍ରମରେ ଭାଜପା ନେତା ସନ୍ତୋଷ କୁମାର ପ୍ରଧାନ, ସାମ୍ବାଦିକ ଚନ୍ଦ୍ରବିଜୟୀ ମିଶ୍ର, ଲକ୍ଷ୍ମୀପ୍ରସାଦ ସରପଞ୍ଚ ସୈାମ୍ୟରଂଜନ ପ୍ରଧାନ, ତ୍ରିନାଥ ସାହୁ, ସୁକାନ୍ତ ମହାପlତ୍ର, ସମୀର ଭଟ, ଦୀନବନ୍ଧୁ ବିଶ୍ୱାଳ, ରାଜୀବ ପଣ୍ଡା, ରୋହନ ମହାପାତ୍ର ପ୍ରମୁଖ ଉପସ୍ଥିତ ଥିଲେ l
