ଦେଶୀ ମଦ ଜବତ, ଜଣେ ଗିରଫ

ଓଡ଼ଗାଁ, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଓଡ଼ଗାଁ ଥାନା ପୁଲିସ ଗତକାଲି ପ୍ରେଟୋଲିଂ ସମୟରେ ଜଣେ ଦେଶୀ ମଦ ନେଇ ଯାଉଥିବା ବ୍ୟକ୍ତିଙ୍କୁ ଧରିଥିବା ବେଳେ ଆଜି ତାଙ୍କୁ ଗିରଫ କରି କୋର୍ଟ ଚାଲାଣ କରିଛି । ସୂଚନାନୁସାରେ, ସୁନାମୁହିଁ ନିକଟସ୍ଥ ଚନ୍ଦ୍ରଶେଖରପୁର ଗ୍ରାମର ଧୋବା ବେହେରାଙ୍କ ପୁଅ ବାପି ବେହେରା ଗତକାଲି ଦେଶୀ ମଦ ନେଇ ଯାଉଥିବା ବେଳେ ପୁଲିସ ଟିମ୍ ହାତରେ ଧରା ପଡ଼ିଥିଲେ । ଓଡ଼ଗାଁ ଥାନା ଏସ୍‌ଆଇ ଯୁଗଳ ନାୟକ ଏବଂ ତାଙ୍କ ଟିମ ବାପିଙ୍କ ନିକଟରୁ ୫ ଲିଟର ଦେଶୀ ମଦ ଜବତ କରିଥିଲେ । ଆଜି ତାଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।