ଓଡ଼ଗାଁ, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ନେହେରୁ ଯୁବକ ସଂଘର ଯୁବ ସଂଯୋଜକ ଅନୁରାଗ କୁମାରଙ୍କ ଦ୍ୱାରା ଅନୁପ୍ରାଣୀତ ହୋଇ ଗୋଡ଼ିପଲ୍ଲୀ ଗ୍ରାମ ପଂଚାୟତ ଅନ୍ତର୍ଗତ ଚଡ଼େୟାପଲ୍ଳି ୟୁଥ କ୍ଲବ ସଦସ୍ୟମାନେ ଆଜି ଶପଥ ଗ୍ରହଣ କରିଛନ୍ତି । ଭାରତ ସରକାରଙ୍କ ଯୁବ ଓ କ୍ରୀଡ଼ା ବିଭାଗ ପକ୍ଷରୁ ଜାରି ହୋଇଥିବା ନୋଟିସ୍ ଅନୁସାରେ, ଗ୍ରାମର ଯୁବକମାନେ କରୋନାକୁ ଦୂରେଇ ରଖିବାକୁ ଶପଥ ଗ୍ରହଣ କରିଛନ୍ତି । ମାସ୍କ ଓ ଫେସ୍ କଭର ପିନ୍ଧିବା, ୬ ଫୁଟ ସାମାଜିକ ଦୂରତା ଅବଲମ୍ବନ କରିବା ଏବଂ ହାତକୁ ସାବୁନ ପାଣିରେ ଧୋଇବା ସହ ନିଜେ ସଚେତନ ହୋଇ ଅନ୍ୟକୁ ସଚେତନ କରିବାକୁ ଆଜି ଯୁବକମାନେ ଶପଥ ନେଇଥିବା ଜଣାଯାଇଛି । ଏହି ଅବସରରେ ଚଢ଼େୟାପଲ୍ଲୀ ୟୁଥ୍ କ୍ଲବ ସଂପାଦକ କୁନା ପଟ୍ଟନାୟକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିବା ଜଣାଯାଇଛି ।
