ପୁଲିସ ଉପରକୁ ପଥର ମାଡ଼ କରି ଯୁବକ ଗିରଫ

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଇଟାମାଟି ଥାନା ପୁଲିସ ଲାଠିପଡ଼ା ଅଂଚଳରେ ପ୍ରେଟୋଲିଂ କରୁଥିବା ସମୟରେ ଜଣେ ଯୁବକ ପୁଲିସ ଗାଡ଼ିକୁ ପଥର ମାଡ଼ କରି ଗିରଫ ହୋଇଥିବା ଜଣାଯାଇଛି । ସୂଚନାନୁସାରେ, ପ୍ରେଟୋଲିଂ ଟିମ୍ ସଂନ୍ଧ୍ୟା ସମୟରେ ଲାଠିକଟା ପଡ଼ିଆରେ ପ୍ରେଟୋଲିଂ କରୁଥିବା ବେଳେ ଲାଠିପଡ଼ା ଗ୍ରାମର ବ୍ରଜବନ୍ଧୁ ପ୍ରଧାନଙ୍କ ପୁଅ ସନ୍ତୋଷ କୁମାର ପ୍ରଧାନ (୨୫) ହଠାତ୍ ପୁଲିସ ଭ୍ୟାନ ଉପରକୁ ପଥର ମାଡ଼ କରିଥିଲେ । ଏଥିରେ ପୁଲିସ୍ ଟିମ୍‌ରେ ରହିଥିବା ଏପିଆର୍ କୁନୁ ସେଠୀ ଆହାତ ହୋଇଥିବା ବେଳେ ଯୁବକ ଜଣଙ୍କ ସେଠାରୁ ଖସି ଯିବାକୁ ଉଦ୍ୟମ କରୁଥିଲେ । ମାତ୍ର ପୁଲିସ ଯୁବକଙ୍କୁ କାବୁ କରି ନେଇଥିବା ବେଳେ ଏକ ମାମଲା ରୁଜୁ କରି ଗିରଫ କରିଥିବା ଥାନା ଅଧିକାରୀ ଦୀପକ ଖଣ୍ଡାୟତରାୟ ସୂଚନା ଦେଇଛନ୍ତି । ଆଜି ଯୁବକଙ୍କୁ କୋର୍ଟ ଚାଲାଣ କରାଯାଇଥିବା ଜଣାଯାଇଛି ।