ଅଟୋ ପୋଡ଼ି ଘଟଣା, ଦୁଇ ଗିରଫ

ଓଡ଼ଗାଁ, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଓଡ଼ଗାଁ ଥାନା ଅନ୍ତର୍ଗତ କୁରାଳ ଗ୍ରାମର ସନ୍ତୋଷ କୁମାର ଦାଶ ନିଜ ଘର ସାମ୍ନାରେ ଡାଲା ଅଟୋ ଥୋଇ ଥିବା ବେଳେ ଏହାକୁ କିଛି ବ୍ୟକ୍ତି ରାତିରେ ନିଆଁ ଲଗାଇ ପୋଡ଼ି ଦେଇଥିଲେ । ଏନେଇ ସନ୍ତୋଷ ଓଡ଼ଗାଁ ଥାନାରେ ଅଭିଯୋଗ କରିଥିବା ବେଳେ ପୁଲିସ ଘଟଣାର ତଦନ୍ତ କରି ଦୁଇ ଜଣ ବ୍ୟକ୍ତିଙ୍କୁ ଗିରଫ କରିଛି । ଏମାନେ ହେଲେ ଅମରେଶ ନାୟକ ଏବଂ କିଶୋର ବେହେରା । ସେମାନଙ୍କୁ କୋର୍ଟ ଚାଲାଣ କରା ଯାଇଥିବା ଜଣାଯାଇଛି ।