ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଟାଉନଥାନା ଅନ୍ତର୍ଗତ ହାଉସିଂବୋର୍ଡ଼ କଲୋନୀରେ ଆଜି ୨୦ରୁ ୨୫ ଯୁବକ ଏକାଠି ହୋଇ ଜନ୍ମଦିନ ପାଳନ କରିବା ସହ ସେଠାରେ ହୋହାଲ୍ଲା କରୁଥିବା ଖବରପାଇ ନୟାଗଡ଼ ଟାଉନଥାନା ଏସ୍ଆଇ ଧର୍ମେନ୍ଦ୍ର ଶିଆଳ ଚଢ଼ାଉ କରିଥିଲେ । ଚଢ଼ାଉ ସମୟରେ ହାଉସିଂବୋର୍ଡ଼ଠାରେ ୨୦ରୁ ୨୫ ଯୁବକ ଏକାଠି ବିରିୟାନୀ ପ୍ରସ୍ତୁତ କରିବା ସହ କେକ୍ କାଟିବା ପାଇଁ ସଜବାଜ ହେଉଥିବା ବେଳେ ଏସ୍ଆଇ ଶିଆଳଙ୍କୁ ଦେଖି ଯୁବକମାନେ ବାଇକ ଛାଡ଼ି ଛତ୍ରଭଙ୍ଗ ଦେଇଛନ୍ତି । ପୁଲିସ ରନ୍ଧା ସରିଥିବା ବିରିୟାନୀକୁ ନଷ୍ଟ କରି ଦେବା ସହ ସେଠାରେ ହୋହାଲ୍ଲା କରୁଥିବା ଯୁବକଙ୍କୁ ଧରି ଚେତାବନୀ ଦେଇ ଛାଡ଼ିଥିବା ଜଣାଯାଇଛି । ଆଜି ପୁଲିସ ଚଢ଼ାଉ ଫଳରେ ଯୁବକମାନଙ୍କ ଜନ୍ମଦିନ ପାଳନ ଅଧାରେ ରହୁଥିବା ଜଣାଯାଇଛି ।
