ଦୀର୍ଘବର୍ଷ ବିତିଲା ଟାଙ୍କିରୁ ମିଳିଲା ନାହିଁ ପାଣି

ଓଡ଼ଗାଁ, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକ ଅନ୍ତର୍ଗତ କୋମଣ୍ଡ ପଂଚାୟତରେ ଜଳ ଓ ପରିମଳ ବିଭାଗ ଦ୍ୱାର ବିଶୁଦ୍ଧ ପାନୀୟ ଜଳ ଯୋଗାଇ ଦେବାକୁ ଏକ ଓଭରହେଡ୍ ଟାଙ୍କି ନିର୍ମାଣ କରାଯାଇଥିଲା । ଏହି ଟାଙ୍କି ନିର୍ମାଣକୁ ୩ ବର୍ଷ ବିତି ସାରିଥିବା ବେଳେ ଏହାକୁ ଆଜି ପର୍ଯ୍ୟନ୍ତ କାର୍ଯ୍ୟକ୍ଷମ କରାଯାଇ ନାହିଁ । କୋମଣ୍ଡ ସରପଂଚ ସୁଶାନ୍ତ ଦଳେଇ ଏନେଇ ବାରମ୍ବାର ବିଭାଗକୁ ଅବଗତ କରିଥିଲେ ମଧ୍ୟ ବିଭାଗ ପକ୍ଷରୁ ବିଭିନ୍ନ ଆଳ ଦେଖା ଯାଇ ଦିନ ଗଡ଼ା ଚାଲିଥିବା ସୂଚନା ମିଳିଛି । ଯଥାଶୀଘ୍ର ଏହାକୁ କାର୍ଯ୍ୟକ୍ଷମ କରିବାକୁ ଅଂଚଳବାସୀ ଦାବି କରୁଛନ୍ତି ।