ପୁଣି ୩ ଜଣଙ୍କ କରୋନା ମୃତ୍ୟୁ, ୩ ଦିନରେ ୮ ମୃତ

ନୟାଗଡ଼, (ବାଘୁଆବାର୍ତ୍ତା) : ରାଜ୍ୟରେ ଆଜି ୩୬୦୦ ଜଣ ଆକ୍ରାନ୍ତ ଏବଂ ୧୬ ଜଣଙ୍କ ମୃତ୍ୟୁ ହୋଇଥିବା ରାଜ୍ୟ ସରକାର ସୂଚନା ଦେଇଛନ୍ତି । ଏଥିରେ ନୟାଗଡ଼ ଜିଲ୍ଲାରୁ ୭୪ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ନୟାଗଡ଼ ଜିଲ୍ଲାରୁ ୩ ଜଣଙ୍କ କରୋନା ମୃତ୍ୟୁ ଘଟିଥିବା ରାଜ୍ୟ ସରକାର ସୂଚନା ଦେଇଛନ୍ତି । ଏମାନଙ୍କ ମଧ୍ୟରେ ଜଣେ ୭୬ ବର୍ଷିୟ ପୁରୁଷ ବ୍ୟକ୍ତି ରହିଥିବା ବେଳେ ସେ ଡାଇବେଟିସ୍ ଆକ୍ରାନ୍ତ ଥିବା ଜଣାଯାଇଛି । ସେହିଭଳି ଭାବେ ଅନ୍ୟ ଜଣେ ବ୍ୟକ୍ତି ୬୨ ବର୍ଷିୟ ପୁରୁଷ ବୋଲି ଜଣାଯାଇଥିବା ବେଳେ ଜଣେ ୫୨ ବର୍ଷିୟା ମହିଳା ଡାଇବେଟିସ୍ ଆକ୍ରାନ୍ତ ଥିବା ବେଳେ କରୋନା ମୃତ୍ୟୁ ହୋଇଥିବା ରାଜ୍ୟ ସରକାର ସୂଚନା ଦେଇଛନ୍ତି । ଏହି ବ୍ୟକ୍ତିଙ୍କ ମୃତ୍ୟୁକୁ ମିଶାଇ ଜିଲ୍ଲାରେ କରୋନା ମୃତ୍ୟୁ ସଂଖ୍ୟା ୨୮ ବୋଲି ଜଣାଯାଇଥିବା ବେଳେ କରୋନା ଆକ୍ରାନ୍ତ ହୋଇ ଅନ୍ୟ ରୋଗରେ ଦୁଇ ଜଣ ମୃତ୍ୟୁ ବରଣ କରିଥିବା ଜଣାଯାଇଛି । ଜିଲ୍ଲାରୁ ଲଗାତର ଭାବେ ୩ ଦିନରେ ୮ ଜଣଙ୍କ ମୃତ୍ୟୁ ରାଜ୍ୟ ସରକାର ଘୋଷଣା କରିଛନ୍ତି ।