ଖଣ୍ଡପଡ଼ା, (ବାଘୁଆବାର୍ତ୍ତା): ନୟାଗଡ଼ ଅତିରିକ୍ତ ଜିଲ୍ଲାପାଳ ବିଧାନ ଚନ୍ଦ୍ର ରାୟ ଗୁରୁବାର ମଧ୍ୟାହ୍ନରେ ଖଣ୍ଡପଡ଼ା ଏନଏସି ପକ୍ଷରୁ ୧ନଂ ୱାର୍ଡ ଅଧିନ କରଡ଼ାବଣି ଗ୍ରାମ ନିକଟରେ ୭୫ ଲକ୍ଷରୁ ଉର୍ଦ୍ଧ ଟଙ୍କା ବ୍ୟୟରେ ନିର୍ମାଣଧିନ ବର୍ଜ୍ୟବସ୍ତୁ ପରିଚାଳନା ପ୍ରକଳ୍ପ ପରିଦର୍ଶନ କରି ସ୍ଥିତି ଅନୁଧ୍ୟାନ କରିଥିବା ଜଣାଯାଇଛି । ଆଗାମୀ ଦିନରେ ବର୍ଜ୍ୟବସ୍ତୁ ପରିଚାଳନା ପ୍ରକଳ୍ପରୁ କିଭଳି ବର୍ଜ୍ୟବସ୍ତୁ ଓ ଜୈବିକ ସାର ପ୍ରସ୍ତୁତ କରାଯିବ ସେ ସଂପର୍କରେ ଏନଏସି କର୍ମଚାରୀମାନେ ପ୍ରଦର୍ଶନ କରିଥିଲେ । ଏ ଅବସରରେ ପ୍ରକଳ୍ପ ପରିସରକୁ ସବୁଜ ସୁନ୍ଦର କରି ଗଢ଼ି ତୋଳିବା ପାଇଁ ପ୍ରଶାସନିକ ଅଧିକାରୀମାନେ ସେଠାରେ କିଛି ଚାରା ରୋପଣ କରିଥିଲେ । ଅତିରିକ୍ତ ଜିଲ୍ଲାପାଳଙ୍କ ସହ ଏନଏସି କାର୍ଯ୍ୟନିର୍ବାହୀ ଅଧିକାରିଣୀ ଇତିଶ୍ରୀ ଷଡଙ୍ଗୀ ବିଡିଓ, ଏନଏସି କନିଷ୍ଠଯନ୍ତ୍ରୀ ଓ କର୍ମଚାରୀମାନେ ପ୍ରକଳ୍ପ ପରିସରରେ ଉପସ୍ଥିତ ଥିଲେ ।
