ନିରାଡ଼ମ୍ବର ଭାବେ ପୂଜା କରିବାକୁ ଆଲୋଚନା
ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ର ସର୍ବପୂରାତନ ସାର୍ବଜନିନ ଦୁର୍ଗାପୂଜା ସମିତିର ପ୍ରସ୍ତୁତି ବୈଠକ ସଂପାଦକ ସୁମନ କୁମାର ସାହୁଙ୍କ ଆବାହକତ୍ୱରେ ଅନୁଷ୍ଠିତ ହୋଇଯାଇଛି । ଚଳିତବର୍ଷ କରୋନା ମହାମାରୀ କାଳରେ କୋଭିଡ୍ ନିୟମନୁସାରେ, ପୂଜା ପାଳିତ ହେବା ପାଇଁ ସ୍ଥିରିକୃତ ହୋଇଛି । ନିରାଡ଼ମ୍ବର ଭାବେ ମାଙ୍କର ୫ଦିନ ପର୍ବ ଆସନ୍ତା ୨୨ ତାରିଖଠାରୁ ଆରମ୍ଭ ହୋଇ ୨୬ରେ ଶେଷ ହେବ ବୋଲି ଜଣାଯାଇଛି । ୨୨ ତାରିଖରେ ବେଳବରଣୀଠାରୁ ନୀତିକାନ୍ତି ଆରମ୍ଭ କରାଯାଇ ୨୭ ତାରିଖ ସକାଳୁ ବିଷର୍ଜ୍ଜନ କରାଯିବ ବୋଲି ନିଷ୍ପତ୍ତି ଗ୍ରହଣ କରାଯାଇଛି । ଏହି ବୈଠକରେ ସମିତିର ସଭାପତି ନିର୍ମଳ ଚନ୍ଦ୍ର ଶୂରଦେଓ, ଉପସଭାପତି ଭବରଂଜନ ଦାଶ, ଉପଦେଷ୍ଟା ନୀରଞ୍ଜନ ମିଶ୍ର, ସଭ୍ୟ ଶିଶିର କୁମାର ଦାଶ, ବିଭୂପ୍ରସାଦ ହୋତା, ରଜନୀକାନ୍ତ ଭୂୟାଁ ପ୍ରମୂଖ ଯୋଗଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ ।
