ଗଞ୍ଜାମ, (ବାଘୁଆବାର୍ତ୍ତା): ଆସ୍କାରେ ଚାଞ୍ଚଲ୍ୟ। ଘରେ ପଶି ବାପାକୁ ମାରି ଦିବ୍ୟାଙ୍ଗ ଝିଅକୁ ଦୁଷ୍କର୍ମ ଅଭିଯୋଗ। ଗଞ୍ଜାମ ଜିଲ୍ଲା ଆସିକା ଅଞ୍ଚଳରେ ଘଟିଛି ବୀଭତ୍ସକାଣ୍ଡ। ମୃତକଙ୍କ ସ୍ତ୍ରୀଙ୍କ ଅଭିଯୋଗ ଅନୁସାରେ, ଅପରାହ୍ନରେ ଜଣେ ଯୁବକ ହଠାତ ଘରେ ପଶିଥିଲା । ପ୍ରଥମେ ତାଙ୍କୁ ଆକ୍ରମଣ କରିବା ପରେ ରୋଗାଗ୍ରସ୍ତ ସ୍ବାମୀ ଉଦୟ ମୁନୀଙ୍କୁ ପଥରରେ ଆକ୍ରମଣ କରି ହତ୍ୟା କରିଥିଲା । ପରେ ଦିବ୍ୟାଙ୍ଗ ଝିଅକୁ ଘରେ ବନ୍ଦ କରି ଦୁଷ୍କର୍ମ କରିଥିଲା । ଅଭିଯୁକ୍ତ ଫେରାର ହୋଇଯାଇଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ଛାନବିନ ଆରମ୍ଭ କରୁଛି। ଆହତ ମହିଳାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ କିଏ ଓ କାହିଁକି ଏଭଳି ବୀଭତ୍ସ ଘଟଣା ଘଟାଇଛି ତାହା ଅସ୍ପଷ୍ଟ ରହିଛି ।





