ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକ୍ ଅନ୍ତର୍ଗତ ବଡ଼ଗୋରଡ଼ା ଗ୍ରାମଠାରେ ରାଷ୍ଟ୍ରିୟ ପୋଷଣ ଦିବସ ପାଳିତ ହୋଇଯାଇଛି । ଓଡ଼ଗାଁ ଜୀବିକା ମିଶନ ପକ୍ଷରୁ ଆୟୋଜିତ କାର୍ଯ୍ୟକ୍ରମ ନେତାଜି ଆଦର୍ଶ ଗ୍ରାମପଞ୍ଚାୟତ ସ୍ତରୀୟ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମିଶନ୍ଶକ୍ତି ମାଧ୍ୟମରେ ଗର୍ଭବତୀ ମହିଳା, ଛୋଟ ଛୁଆ, ନବଜାତ ଶିଶୁ, କିଶୋରୀ ବାଳିକାମାନଙ୍କର ସ୍ନେହସାର, ଶ୍ୱେତସାର, ପୁଷ୍ଟିସାର, ଜୀବସାର, ଭିଟାମିନ୍-ଏ ଓ ଭିଟାମିନ୍-ସି କିପରି ପାଇପାରିବେ ଏହା ଉପରେ ସଚେତନତା କରାଯାଇଥିଲା । ରାଜ୍ୟ ସରକାର ସେପ୍ଟେମ୍ବର ମାସକୁ ପୋଷଣ ମାସ ଭାବେ ଗ୍ରହଣ କରିଛନ୍ତି । ମୁଖ୍ୟତଃ ଅପପୁଷ୍ଟି ରୋକିବା ଏହାର ମୁଖ୍ୟ ଉଦ୍ଦେଶ୍ୟ । ବିଭିନ୍ନ ମହିଳା ମହାସଂଘର କର୍ମକର୍ତ୍ତା ଏଥିରେ ଯୋଗ ଦେଇଥିଲେ । ବିଭିନ୍ନ ସ୍ୱୟଂସହାୟକ ଗୋଷ୍ଠୀ ଅଂଶଗ୍ରହଣ କରି ଏହି କାର୍ଯ୍ୟକ୍ରମରେ ଜଡ଼ିତ ହୋଇଥିଲେ । ଏତଦ୍ବ୍ୟତୀତ ମୋ ପୋଖରୀ ମାଧ୍ୟମରେ କିପରି ବାଡି ବଗିଚାରେ ବିଭିନ୍ନ ଫସଲ କରି ପୁଷ୍ଟିସାର ଖାଦ୍ୟ ଦିଆଯାଇ ପାରିବ ସେ ସମ୍ବନ୍ଧରେ ଜୀବିକା ମିଶନ ପକ୍ଷରୁ ସଚେତନତା କରାଯାଇଥିଲା ।
