ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମୀଧର ବେହେରା ସ୍ୱେଚ୍ଛାକୃତ ଅବସର ଆବେଦନ କରିବା ପରେ ଜିଲ୍ଲା ଶିକ୍ଷା ବିଭାଗରେ ଅବ୍ୟବସ୍ଥା ଦେଖା ଦେଇଥିଲା । ଫଳରେ ରାଜ୍ୟ ସରକାର ଖୋର୍ଦ୍ଧା ଜିଲ୍ଲା ଶିକ୍ଷା ଅଧିକାରୀଙ୍କୁ ନୟାଗଡ଼ ଶିକ୍ଷା ଜିଲ୍ଲା ଦାୟିତ୍ୱ ଦେଇଥିବା ବେଳେ ଆଜି ଜଗତସିଂହପୁର ଅତିରିକ୍ତ ଶିକ୍ଷା ଅଧିକାରୀ ସପନ କୁମାର ଜେନାଙ୍କୁ ରାଜ୍ୟ ସରକାର ପଦୋନ୍ନତୀ ଦେବା ସହ ନୟାଗଡ଼ ଭାରପ୍ରାପ୍ତ ଜିଲ୍ଲା ଶିକ୍ଷା ଅଧିକାରୀ ଭାବେ ବଦଳି କରିଥିବା ଜଣାଯାଇଛି । ଫଳରେ ଜିଲ୍ଲା ଶିକ୍ଷା ବିଭାଗରେ ସୃଷ୍ଟି ହୋଇଥିବା ଅସ୍ଥିରତା ଦୂର ହେବ ବୋଲି ଜଣାଯାଇଛି ।
