ନୟାଗଡ଼, (ବାଘୁଆବାର୍ତ୍ତା) : ସାରା ରାଜ୍ୟରେ +୨ କଳା ଓ ଧନ୍ଦାମୂଳକ ଶିକ୍ଷା ପରୀକ୍ଷା ଫଳ ପ୍ରକାଶ ପାଇଛି । ଏଥିରେ ନୟାଗଡ଼ ଜିଲ୍ଲାରେ କଳାରେ ୭୨.୩୫ ପ୍ରତିଶତ ପାସ୍ହାର ରହିଥିବା ବେଳେ ଧନ୍ଦାମୂଳକ ଶିକ୍ଷାରେ ୬୭.୪୪ ପ୍ରତିଶତ ପାସ୍ ହାର ରହିଥିବା ଜଣାପଡ଼ିଛି । ନୟାଗଡ଼ ଜିଲ୍ଲାରେ କଳାରେ ମୋଟ ୬ ହଜାର ୫୪୯ ଜଣ ଛାତ୍ରଛାତ୍ରୀ ପରୀକ୍ଷା ଦେବା ପାଇଁ ଫର୍ମ ପୂରଣ କରିଥିଲେ । ସେଥିମଧ୍ୟରେ ୬ ହଜାର ୫୩୩ ଜଣ ପରୀକ୍ଷା ଦେଇଥିଲେ । ମୋଟ ୫ ହଜାର ୫ ଜଣ ଛାତ୍ରଛାତ୍ରୀ କୃତକାର୍ଯ୍ୟ ହୋଇଛନ୍ତି । ମୋଟ ପରୀକ୍ଷାର୍ଥୀଙ୍କ ମଧ୍ୟରୁ ୯ ଜଣ କପି କରିଥିବାରୁ ସେମାନଙ୍କର ଫଳ ପ୍ରକାଶ ପାଇନାହିଁ । ସେମାନଙ୍କ ମଧ୍ୟରେ କଳାରେ ୧୦୩୫ ଜଣ ଛାତ୍ରଛାତ୍ରୀ ପ୍ରଥମ ସ୍ଥାନରେ କୃତକାର୍ଯ୍ୟ ହୋଇଛନ୍ତି, ଦିତୀୟ ସ୍ଥାନରେ ୯୭୧ ଜଣ ଏବଂ ତୃତୀୟ ସ୍ଥାନରେ ୨ ହଜାର ୭୧୭ ଜଣ ଛାତ୍ରଛାତ୍ରୀ ପାସ କରିଛନ୍ତି । ସେହିପରି ୪ ଜଣ ଛାତ୍ରଛାତ୍ରୀ କମ୍ପାଣ୍ଟମେଣ୍ଟାଲ ପରୀକ୍ଷାରେ ପାସ କରିଥିବା ଜଣାପଡ଼ିଛି । ସେହିଭଳି ଜିଲ୍ଲାରେ ଧନ୍ଦାମୂଳକ ଶିକ୍ଷାରେ ୧୭୨ ଜଣ ପରିକ୍ଷାର୍ଥୀଙ୍କ ମଧ୍ୟରୁ ୧୧୬ ଜଣ ପାସ କରିଛନ୍ତି । ସେମାନଙ୍କ ମଧ୍ୟରେ ପ୍ରଥମ ସ୍ଥାନରେ ୩୮ ଜଣ, ଦିତୀୟସ୍ଥାନରେ ୪୪ ଜଣ, ତୃତୀୟ ସ୍ଥାନରେ ୩୧ ଜଣପାସ କରିଥିବା ଜଣାପଡ଼ିଛି । ୩ ଜଣ କମ୍ପାଣ୍ଟମେଣ୍ଟାଲ ପରୀକ୍ଷାର୍ଥୀ ପାସ୍ କରିଥିବା ବେଳେ ଜଣେ କପି କରି ଫେଲ ହୋଇଥିବା ଜଣାଯାଇଛି ।
ନୟାଗଡ଼ : କଳାରେ ୭୨.୩୫, ଧନ୍ଦାମୂଳକ ଶିକ୍ଷାରେ ୬୭.୪୪ ପ୍ରତିଶତ ପାସ୍ହାର
