ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଅବକାରୀ ବିଭାଗକୁ ମିଳିଛି ବଡ଼ ସଫଳତା । ଜଣେ ଗଞ୍ଜେଇ ବେପାରୀଙ୍କୁ ବାନ୍ଧିବାରେ ସଫଳ ହୋଇଛି । ତାଙ୍କ ଠାରୁ ୩ କେଜି ଗଞ୍ଜେଇ ଜବତ କରିବା ସହ ଏକ ନାଲି ଓ କଳା କଲରର ପଲ୍ସର ଗାଡି ଜବତ କରିଛି । ସୁଚନା ଥାଉକି ଆଜି ଅବକାରୀ ବିଭାଗ ପକ୍ଷରୁ ଜାତୀୟ ରାଜପଥ ୫୭ ମାଆଙ୍କପଲ୍ଲୀ ପ୍ରାଥମିକ ବିଦ୍ୟାଳୟ ଠାରେ ଚଢ଼ଉ କରାଯାଇଥିଲା । ଏହି ସମୟରେ କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅନ୍ତର୍ଗତ ଦାମପଦର ଗ୍ରାମର କୁରୁଙ୍ଗା ଡିଗାଲଙ୍କ ପୁଅ ତାଳ ଡିଗାଲଙ୍କୁ ଗିରଫ କରିଥିଲା । ତାଙ୍କ ଠାରୁ ୩ କେଜି ଗଞ୍ଜେଇ ସହ କଳା ଓ ନାଲି ରଙ୍ଗର ୨୨୦ ସିସି ବାଜାଜ ପଲ୍ସର୍ ଗାଡି ନଂ – ଓଡି୧୨ଏ-୨୦୯୫ ଗାଡିକୁ ଜବତ କରିଛି । ଗାଡ଼ି ଓ ଗଞ୍ଜେଇର ମୂଲ୍ୟ ୧ ଲକ୍ଷ ଟଙ୍କା ହେବ । ନୟାଗଡ଼ ଅବକାରୀ ବିଭାଗ ପକ୍ଷରୁ ୩୯/୪-୨୫ ରେ ମାମଲା ରୁଜୁ କରାଯାଇ କୋର୍ଟ ଫରୁୱାଡ କରାଯାଇଛି । ଏହି ଚଢ଼ାଉରେ ସଦର ଅବକାରୀ ଆଇଆଇସି ବିଷ୍ଣୁ ଚରଣ ମଲ୍ଲିକ, ଓଆଇସି ଦୀପକ କୁମାର ଜେନା, ଏଏସଆଇ ସୁଧୀର କୁମାର ମଲ୍ଲିକ, କନେଷ୍ଟବଳ କୃଷ୍ଣ ଚନ୍ଦ୍ର ପରିଡ଼ା, ହରପ୍ରିୟା ମଲ୍ଲିକ, ପ୍ରଶାନ୍ତ ସେଠୀ ଓ କନେଷ୍ଟବଳ ସନ୍ତୋଷ କୁମାର ପ୍ରଧାନ ପ୍ରମୁଖ ସାମିଲ ହୋଇଥିଲେ ।





