ଖଣ୍ଡପଡ଼ା, (ବାଘୁଆବାର୍ତ୍ତା) : ଖଣ୍ଡପଡ଼ା ଥାନା ଅଧିନ ବିଭିନ୍ନ ଇଲାକାରେ ଚୋର, ତସ୍କର ଓ ଲୁଟେରାମାନେ ଏବେ ଦିନକୁ ଦିନ କାୟା ବିସ୍ତାର କରିବାରେ ଲାଗିଛନ୍ତି । ପୁଲିସ ପ୍ରଶାସନ ନିଷ୍କ୍ରିୟତାର ସୁଯୋଗ ନେଇ ଲୁଟେରାମାନେ ଦିନ ଦ୍ୱିପ୍ରହରରେ ଲୁଟପାଟ କରୁଥିବାରୁ ଅଂଚଳବାସୀଙ୍କ ଧନଜୀବନ ସୁରକ୍ଷା ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି । ଗତ ୭ଦିନ ତଳେ ଲୁଟେରାମାନେ ଶିଖରପୁର ଅଂଚଳର ୩ଜଣ ବ୍ୟକ୍ତିଙ୍କ ଘରେ ପ୍ରବେଶ କରି ବହୁ ମୂଲ୍ୟବାନ ସାମଗ୍ରୀ ଓ ଟଙ୍କା ପଇସା ସବୁ କିଛି ଲୁଟି ନେଇଥିଲେ । ଗୃହକର୍ତ୍ତାମାନଙ୍କୁ ମାରଣାସ୍ତ୍ର ଦେଖାଇ ଭୟଭୀତ କରି ମୁଖାପିନ୍ଧା ଲୁଟେରାମାନେ ଲୁଟପାଟ କରିଥିବା ନେଇ ଖଣ୍ଡପଡ଼ା ଥାନାରେ ଲିଖିତ ଅଭିଯୋଗକ୍ରମେ ପୁଲିସ ୩ଟି ପୃଥକ ମାମଲା ରୁଜୁ କରିଥିବା ଜଣାଯାଇଛି । ମାତ୍ର ଲୁଟେରାମାନଙ୍କୁ ଠାବ କରିବାରେ ପୁଲିସର ବିଫଳତାକୁ ନେଇ ଅଂଚଳବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ତେବେ ପାରିପାଶ୍ୱର୍ିକ ତଥ୍ୟକୁ ଆଧାର କରି ଲୁଟେରାମାନଙ୍କୁ ତୁରନ୍ତ ଗିରଫ କରିବାକୁ ଶିଖରପୁର ଗ୍ରାମବାସୀ ଦାବି କରିଛନ୍ତି ।
