ଭୁବନେଶ୍ୱର, (ବାଘୁଆବାର୍ତ୍ତା) : ବୁର୍ଲାସ୍ଥିତ ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱବିଦ୍ୟାଳୟ (ଭିସୁଟ୍)ରେ ଭାରତୀୟ ମହାକାଶ ଗବେଷଣା କେନ୍ଦ୍ର ପକ୍ଷରୁ ଏକ ଶାଖା କେନ୍ଦ୍ର ଖୋଲିବା ପାଇଁ ଭିସୁଟ୍ ଓ ଇସ୍ରୋ ମଧ୍ୟରେ ଏକ ବୁଝାମାପତ୍ର ସ୍ୱାକ୍ଷରିତ ହୋଇଅଛି । ଇସ୍ରୋ ଅଧ୍ୟକ୍ଷ ତଥା ବିଶିଷ୍ଟ ମହାକାଶ ବିଜ୍ଞାନୀ ଡ. କେ.ଶିବାନ ବାଙ୍ଗାଲୁରୁସ୍ଥିତ ଇସ୍ରୋ ମୁଖ୍ୟାଳୟ ଓ ଭିସୁଟ୍ର କୁଳପତି ପ୍ରଫେସର ଅଟଳ ଚୌଧୁରୀ ବୁର୍ଲା ଠାରେ ଉପସ୍ଥିତ ରହି ‘ଜିଟ୍ସି୍ ମିଟ୍’ ଆପ ଜରିଆରେ ଏମଓୟୁ ସ୍ୱାକ୍ଷର କରିଥିଲେ । ଉଭୟ ପକ୍ଷ ମଧ୍ୟରେ ସ୍ୱାକ୍ଷରିତ ହୋଇଥିବା ଚୁକ୍ତିନାମା ଅନୁସାରେ ଏହି କେନ୍ଦ୍ର ସ୍ଥାପନ ପାଇଁ ଇସ୍ରୋ ସବୁ ପ୍ରକାର ବୈଷୟିକ ପରାମର୍ଶ ସହିତ ମହାକାଶ ଗବେଷା ସୁବିଧାଥିବା ଏକ ବିଜ୍ଞାନଗାର ବିକଶିତ କରିବା ପାଇଁ ସହାୟତା କରିବ । ଏହି ଭର୍ଚୁଆଲ କାର୍ଯ୍ୟକ୍ରମରେ ଯୋଗଦେଇ ମୁଖ୍ୟ ଅତିଥି ତଥା ଇସ୍ରୋର ଅଧ୍ୟକ୍ଷ ଡ. କେ. ଶିବାନ କହିଲେ ଯେ, ମହାକାଶ ଗବେଷଣା କ୍ଷେତ୍ରରେ ଭିସୁଟ୍ ଛାତ୍ରଛାତ୍ରୀମାନଙ୍କ ଆଗ୍ରହ, ଗବେଷଣାରେ ରୁଚି ତଥା ସଫଳତା ଉଲ୍ଲେଖନୀୟ । ଇସ୍ରୋ ନିଜର ବୈଷୟିକ ଜ୍ଞାନ କୌଶଳ ଛାତ୍ରଛାତ୍ରୀମାନଙ୍କୁ ଯୋଗାଇ ଦେବା ଫଳରେ ଭବିଷ୍ୟତରେ ଛାତ୍ରଛାତ୍ରୀମାନେ ଏହି ଜ୍ଞାନ କୌଶଳର ଉପଯୁକ୍ତ ବିନିଯୋଗରେ ଭବିଷ୍ୟତରେ ସଫଳତା ଅର୍ଜନ କରିପାରିବେ । କାର୍ଯ୍ୟକ୍ରମରେ ଉପସ୍ଥିତ ରହି ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର କମିଶନର ତଥା ଶାସନ ସଚିବ ଶ୍ରୀ ସଞ୍ଜୟ କୁମାର ସିଂ କହିଲେ ଯେ ଏହିଭଳି କାର୍ଯ୍ୟକ୍ରମ ଦ୍ୱାରା ଯୁବ ବୈଜ୍ଞାନିକମାନେ ମାର୍ଗଦର୍ଶନ ପାଇବା ସହ ଗବେଷଣା ପ୍ରତି ଆଗ୍ରହ ସୃଷ୍ଟି ହୋଇପାରିବ । ଦେଶର ଗ୍ରାମାଞ୍ଚଳ ଓ ଛୋଟ ସହରରେ ବହୁ ଯୁବ ପ୍ରତିଭା ରହିଛନ୍ତି । ସଠିକ୍ ସୁଯୋଗ ମିଳିଲେ ସେହି ଲୁMାୟିତ ପ୍ରତିଭାମାନେ ଲୋକଲୋଚନକୁ ଆସିପାରିବ । ଏହି ଅବସରରେ ଯୋଗଦେଇ ଇସ୍ରୋର ଦକ୍ଷତା ବୃଦ୍ଧି କାର୍ଯ୍ୟକ୍ରମ ନିର୍ଦ୍ଦେଶକ ଡ.ପି.ଭି ଭେଙ୍କିଟାକି୍ରଷ୍ଣନ୍ ମହାକାଶ ଗବେଷା କ୍ଷେତ୍ରରେ ଭିସୁଟ୍ର ଛାତ୍ରଛାତ୍ରୀମାନଙ୍କ କାର୍ଯ୍ୟକୁ ଭୂୟସୀ ପ୍ରସଂଶା କରି କହିଲେ ଯେ, ଛାତ୍ରଛାତ୍ରୀମାନଙ୍କ ମଧ୍ୟରେ ଗବେଷଣାମନସ୍କ ହେବା ପାଇଁ ଉତ୍ସାହ ଓ ଆଗ୍ରହ ସୃଷ୍ଟି ହେବା ଦରକାର । ଛାତ୍ରଛାତ୍ରୀମାନଙ୍କର ଦକ୍ଷତା ବୃଦ୍ଧି ଦିଗରେ ଆମକୁ ଦୃଷ୍ଟି ଦେବାକୁ ହେବ ଫଳରେ ଛାତ୍ରଛାତ୍ରୀମାନେ ଉଚ୍ଚତର ଗବେଷଣା କ୍ଷେତ୍ରରେ ମନୋନିବେଶ କରିବେ । ଏବେ ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ ଭିସୁଟ୍ ସହ ମିଶି ଏହାର ଇ-ଲର୍ଣ୍ଣିଂ ସେଣ୍ଟରଠାରେ ଏକ ସମ୍ମିଳିତ ଗବେଷଣାକେନ୍ଦ୍ର ଖୋଲିବାକୁ ଯାଉଛି । ଏଠାରେ ମହାକାଶ ଗବେଷଣା ନେଇ ଉଭୟ ଅନୁଷ୍ଠାନ ମଧ୍ୟରେ ବିସ୍ତୃତ ଭାବେ ଆଲୋଚନା ଏବଂ ପର୍ଯ୍ୟାଲୋଚନା ହେବ । ଭିସୁଟ୍ ଛାତ୍ରଛାତ୍ରୀଙ୍କର ଗବେଷଣାକୁ ନେଇ ଇସ୍ରୋ ତାହା ଉପରେ କାମ କରିବ ଏବଂ ଭବିଷ୍ୟତରେ ମହାକାଶ ଗବେଷଣା କ୍ଷେତ୍ରରେ ଭିସୁଟର ଅବଦାନକୁ ଅଧିକରୁ ଅଧିକ କରିବା ନେଇ ଉଦ୍ୟମ କରାଯିବ ବୋଲି ଭିସୁଟ୍ର କୁଳପତି ପ୍ର. ଅଟଳ ଚୌଧୁରୀ ପ୍ରକାଶ କରିଛନ୍ତି । ସୂଚନାଯୋଗ୍ୟ ଯେ, କୃତି୍ରମ ରକେଟ ଓ ଉପଗ୍ରହ ମଡେଲ ତିଆରି ପାଇଁ ଆବଶ୍ୟକୀୟ ଜ୍ଞାନ କୌଶଳ ଇସ୍ରୋ ଯୋଗାଇ ଦେବ । ଭିସୁଟ୍ରେ ବିକଶିତ ରକେଟର କାର୍ଯ୍ୟକାରୀତା ପରୀକ୍ଷ ପାଇଁ ଥୁମ୍ବା, ଶ୍ରୀହରିକୋଟା, ବାଲେଶ୍ୱର ଉତକ୍ଷେପଣ କେନ୍ଦ୍ରରେ ଉପଲବ୍ଧ ସୁବିଧା ସୁଯୋଗ ଗୁଡ଼ିକ ଯୋଗାଇ ଦିଆଯିବ । ଇସ୍ରୋରେ ଉପଲବ୍ଧ ହାଇ-ଟେକ ପରୀକ୍ଷର ସୀମିତ ସୁଯୋଗ ମଧ୍ୟ ଭିସୁଟକୁ ଯୋଗାଇ ଦିଆଯିବ । ଏହି ପ୍ରକଳ୍ପଗୁଡିକ ବିକଶିତ କରିବାରେ ସମ୍ପୃକ୍ତ ଛାତ୍ରଛାତ୍ରୀଙ୍କ ମଧ୍ୟରୁ କେତେକଙ୍କୁ ଇସ୍ରୋ ନିଃଶୁକ୍ଳ କିମ୍ବା ରିହାତି ଫି’ରେ ଆବଶ୍ୟକ ପ୍ରଶିକ୍ଷ ଯୋଗାଇ ଦେବ । ଏହି ଏମଓୟୁ ସ୍ୱାକ୍ଷରିତ ହେଲା ପରେ ଭିସୁଟ୍ ଇସ୍ରୋଠାରୁ ମହାକାଶ ଗବେଷଣା ଓ ରକେଟ ତିଆରି କ୍ଷେତ୍ରରେ ଅତ୍ୟାଧୁନିକ ଜ୍ଞାନକୌଶଳ ଆହର କରିବାର ସୁଯୋଗ ପାଇପାରିବ । ରକେଟ ତିଆରି ପାଇଁ ଭିସୁଟ ଏହାର ସିଭିଲ୍, କେମିକାଲ, ମେକାନିକାଲ, ଇଲେକଫି୍ରକାଲ ଇଂଜିନିୟରିଂ ଆଦି ସମସ୍ତ ବିଭାଗୀୟ ବିଜ୍ଞାନାଗାରକୁ ମଧ୍ୟ ବିନିଯୋଗ କରିବ ।
