ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ବିଧାୟକ ତଥା କୃଷି ମନ୍ତ୍ରୀ ଡ. ଅରୁଣ କୁମାର ସାହୁ ତାଙ୍କ ସରକାରୀ ବାସ ଭବନରେ ଅନେକ ପନିପରିବା ଏବଂ ଫଳ ଗଛ ଲଗାଇଛନ୍ତି । କିଛିଦିନ ତଳେ ମନ୍ତ୍ରୀଙ୍କ ଏକ ସପୁରୀ ଫଟୋ ଭାଇରାଲ ହୋଇଥିବା ବେଳେ ଆଜି ଅମୃତଭଣ୍ଡା ଫଟୋ ଭାଇରାଲ ହୋଇଛି । ଡ. ସାହୁ ଗତକାଲି ନୂଆଖାଇ ଅବସରରେ ୫ମାସ ତଳେ ଲଗାଇଥିବା ଏକ ଅମୃତଭଣ୍ଡା ଗଛରୁ ତୋଳିଥିବା ପାଚିଲା ଅମୃତଭଣ୍ଡାର ଫଟୋ ସୋସିଆଲ ମିଡିଆରେ ଅପଲୋଡ଼ କରିବା ପରେ ଏହା ଭାଇରାଲ ହୋଇଥିବା ଜଣାଯାଇଛି । ଏହି ଅମୃତଭଣ୍ଡାର ଓଜନ ୨ କେଜି ବୋଲି ମନ୍ତ୍ରୀ ଉଲ୍ଲେଖ କରିଛନ୍ତି । ମନ୍ତ୍ରୀଙ୍କ ଏପରି ଫଟୋ ଉତ୍ତୋଳନ ପଛରେ ଯୁବପିଢ଼ୀଙ୍କୁ କୃଷି କାର୍ଯ୍ୟ ଓ ଉଦ୍ୟାନ କୃଷି ପ୍ରତି ଆକର୍ଷିତ କରିବା ମୁଖ୍ୟ ଉଦ୍ଦେଶ୍ୟ ବୋଲି ଜଣାଯାଇଛି ।
