୩୦ ଲିଟର ମଦ ଜବତ, ଦୁଇ ଗିରଫ

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ନୂଆଗାଁ ଥାନା ଅନ୍ତର୍ଗତ ମହୀପୁର ପୁଲିସ ଆଜି ଦୁଇ ଜଣ ଦେଶୀ ମଦ ବେପାରୀଙ୍କୁ ଗିରଫ କରିଥିବା ବେଳେ ୩୦ ଲିଟର ଦେଶୀ ମଦ ଜବତ କରିଛି । ସୂଚନାନୁସାରେ, ମହୀପୁର ଫାଣ୍ଡି ଅନ୍ତର୍ଗତ ବକଳବନ୍ଧ ଗ୍ରାମର ରାଜକିଶୋର ସ୍ୱାଇଁ ଏବଂ ଇଶ୍ୱର ବାରିକ ଆଜି ଓଡି ୨୫ ଏ ୨୮୦୧ ନମ୍ବର ବିଶିଷ୍ଟ ବାଇକ ଯୋଗେ ୩୦ ଲିଟର ଦେଶୀ ମଦ ଚାଲାଣ କରୁଥିବା ବେଳେ ଧରାପଡ଼ିଛନ୍ତି । ଏନେଇ ପୁଲିସ ପକ୍ଷରୁ ଏକ ମାମଲା ରୁଜୁ କରାଯାଇ ଦୁଇ ଜଣଙ୍କୁ ଗିରଫ କରାଯାଇଥିବା ବେଳେ ଆସନ୍ତାକାଲି କୋର୍ଟ ଚାଲାଣ କରାଯିବ ବୋଲି ଫାଣ୍ଡି ଅଧିକାରୀ ରମେଶ ଦେବତା ସୂଚନା ଦେଇଛନ୍ତି ।