ଭୂବନେଶ୍ୱର, (ବାଘୁଆବାର୍ତ୍ତା) : ସଂପ୍ରତି କୋଭିଡ୍-୧୯ ସ୍ଥିତିରେ ରାଜ୍ୟ ତଥା ଦେଶରେ ମାର୍ଚ୍ଚ ମାସଠାରୁ ବିଭିନ୍ନ ପର୍ଯ୍ୟାୟ ଲକ୍ଡାଉନ ଓ ସଟ୍ଡାଉନ ଜାରି କରାଯିବା ପରିପ୍ରେକ୍ଷୀରେ ଖରିଫ ଚାଷ ନିମନ୍ତେ ଆବଶ୍ୟକ ପରିମାଣର ୟୁରିଆ ସାର ଉତ୍ପାଦନ ଓ ପରିବହନ ଆଦି ବାଧାପ୍ରାପ୍ତ ହୋଇଥିଲା । ଯଦ୍ୱାରା ଓଡ଼ିଶାରେ ମାର୍କଫେଡ ୩୧ ଜୁଲାଇ ୨୦୨୦ ସୁଦ୍ଧା ଧାର୍ଯ୍ୟ ଲକ୍ଷ୍ୟ ୧ ଲକ୍ଷ ୫୦ ହଜାର ଟନ ୟୁରିଆ ସାର ପ୍ରାପ୍ତ ହେବା ଓ ଏହାକୁ ବିକ୍ରୟ କେନ୍ଦ୍ରରେ ପହଞ୍ଚାଇବା ବଦଳରେ ୧ ଲକ୍ଷ ୫ ହଜାର ୬୬୨ ମେଟି୍ରକ ଟନ ପ୍ରାପ୍ତ ହୋଇଥିଲା । ତେବେ ଆବଶ୍ୟକତା ଅନୁଯାୟୀ ଅଧିକ ୟୁରିଆ ସାର ଯୋଗାଣ ଦିଗରେ ପଦକ୍ଷେପ ନିଆଯାଇଛି ବୋଲି ସମବାୟ ମନ୍ତ୍ରୀ ଶ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ କହିଛନ୍ତି । ସୂଚନାଯୋଗ୍ୟ ଯେ ଚଳିତବର୍ଷ ଅଦ୍ୟାବଧି ୩୦ଟି ଜିଲ୍ଲାର ୨୦୮୧ଟି ପ୍ୟାକସ୍/ଲ୍ୟାମ୍ପସକୁ ୧ ଲକ୍ଷ ୧୭ ହଜାର ୫୫୦ ମେଟି୍ରକ ଟନ ୟୁରିଆ ସାର ଯୋଗାଇ ଦିଆଯାଇଛି ବୋଲି ମାର୍କଫେଡ ସୂତ୍ରରୁ ପ୍ରକାଶ । ଗତବର୍ଷ ଅଗଷ୍ଟ ୩୧ ତାରିଖ ସୁଦ୍ଧା ୧ ଲକ୍ଷ ୪୨ ହଜାର ୫୩୭ ମେଟି୍ରକ୍ ଟନ୍ ଏବଂ ସେପେଫମ୍ବର ୩୦ ତାରିଖ ସୁଦ୍ଧା ୧ ଲକ୍ଷ ୬୭ ହଜାର ୮୪୪ ମେଟି୍ରକ୍ ଯନ୍ ୟୁରିଆ ସାର ମାର୍କଫେଡ଼କୁ ଯୋଗାଇ ଦିଆଯାଇଥିଲା । ଅଗଷ୍ଟ ମାସରେ ଖରିଫ ନିମନ୍ତେ ଅଧିକ ୟୁରିଆ ସାର ଆବଶ୍ୟକ ପଡୁଥିବା ଦୃଷ୍ଟିରୁ ପର୍ଯ୍ୟାପ୍ତ ରେଲେୱ ର୍ୟାକ୍ର ଯୋଗାଣ ଦିଗରେ ଆବଶ୍ୟକୀୟ ପଦକ୍ଷେପ ନେବା ପାଇଁ ମାର୍କଫେଡ ପକ୍ଷରୁ ଅନୁରୋଧ କରାଯାଇଛି ।
