ଗଣେଶ ପୂଜା ପାଇଁ ଜିଲ୍ଲାପାଳ ଲଗାଇଲେ କଟକଣା

ନୟାଗଡ଼, (ବାଘୁଆବାର୍ତ୍ତା) : ଆସନ୍ତାକାଲି ପାଳିତ ହେବାକୁ ଥିବା ଗଣେଶ ପୂଜା ଏବଂ ନୂଆଖାଇ ପାଇଁ ଜିଲ୍ଲା ପ୍ରଶାସନ ପକ୍ଷରୁ କଟକଣା ଲଗାଯାଇଛି । ନୟାଗଡ଼ ଜିଲ୍ଲାପାଳ ଡ. ପୋମା ଟୁଡୁ କୈାଣସି ଗୋଷ୍ଠୀ କିମ୍ବା ଶିକ୍ଷାନୁଷ୍ଠାନରେ ପୂଜାକୁ ବାରଣ କରିଥିବା ବେଳେ କୈାଣସି ସାଂସ୍କୃତିକ କାର୍ଯ୍ୟକ୍ରମ ଆୟୋଜନକୁ ମଧ୍ୟ ବାରଣ କରିଛନ୍ତି । ଜିଲ୍ଲାରେ କରୋନା ବ୍ୟାପକତାକୁ ଲକ୍ଷ କରି ଜିଲ୍ଲାପାଳ ଏଭଳି ନିର୍ଦ୍ଦେଶ ଦେଇଥିବା ଜଣାଯାଇଛି । ସେହିଭଳି ଭାବେ କୈାଣସି ମନ୍ଦିରରେ ମଧ୍ୟ ଜନଗହଳୀ କରି ପୂଜା କରାଯିବାକୁ ରୋକ ଲଗାଯାଇଛି । ଘରେ ବ୍ୟକ୍ତିଗତ ଭାବେ ପୂଜା ପାଳନ କରିବାକୁ ଜିଲ୍ଲାପାଳ ପରାମର୍ଶ ଦେଇଥିବା ବେଳେ ୭ରୁ ଅଧିକ ଲୋକ ଏକାଠି ହେବାକୁ ବାରଣ କରାଯାଇଛି ।