ଆସନ୍ତା କାଲି ପ୍ରକାଶ ପାଇବ ମଦ୍ରାସା ବୋର୍ଡ ପରୀକ୍ଷା ଫଳ

ଭୁବନେଶ୍ୱର, (ବାଘୁଆବାର୍ତ୍ତା) : ଓଡ଼ିଶା ମଦ୍ରାସା ବୋର୍ଡ ଅଧିନରେ ପରୀକ୍ଷା ଦେଇଥିବା ଛାତ୍ରଛାତ୍ରୀମାନଙ୍କର ପରୀକ୍ଷା ଫଳ ଆସନ୍ତା କାଲି ୧୯.୦୮.୨୦୨୦ ତାରିଖରେ ପ୍ରକାଶ ପାଇବ । ଏ ସମ୍ବନ୍ଧରେ ରାଜ୍ୟ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ତରଫରୁ ପରୀକ୍ଷା ଫଳ ପ୍ରକାଶର ପ୍ରସ୍ତୁତି କାର୍ଯ୍ୟକ୍ରମ ସମ୍ପନ୍ନ ହୋଇଛି । ଓଡ଼ିଶା ମଦ୍ରାସା ବୋର୍ଡ ଅଧିନରେ ପରୀକ୍ଷା ଦେଇଥିବା ମାଟ୍ରିକ୍‌ ଠାରୁ ଆରମ୍ଭ କରି ପି.ଜି ପର୍ଯ୍ୟନ୍ତ ଛାତ୍ରଛାତ୍ରୀମାନଙ୍କର ପରୀକ୍ଷା ଫଳ ପ୍ରକାଶ ପାଇବ । ପ୍ରକାଶ ଥାଉକି, ଏଥିରେ ମୌଲବୀ (ମାଟି୍ରକ୍‌), ମାହିର (ଯୁକ୍ତ ଦୁଇ), ଆଲିମ୍‌ (ଯୁକ୍ତ ତିନି) ଫାଜିଲ୍‌ (ପି.ଜି) ପାଠ୍ୟକ୍ରମର ଫଳାଫଳ ପ୍ରକାଶ ପାଇବ ବୋଲି ରାଜ୍ୟ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ତରଫରୁ ସୂଚନା ଦିଆଯାଇଛି ।