ନୟାଗଡ଼, (ବାଘୁଆବାର୍ତ୍ତା) : ସର୍କିଟ ହାଉସ୍ ନିକଟରେ ଗଢ଼ି ଉଠିଥିବା ଭାରତ ବିକାଶ ପରିଷଦର ନିଜସ୍ବ ଭବନରେ ୭୪ତମ ସ୍ବାଧୀନତା ଦିବସ ପାଳନ ହୋଇଯାଇଛି। ଭାରତ ବିକାଶ ପରିଷଦ, ନୟାଗଡ ଶାଖାର ପ୍ରତିଷ୍ଠାତା ବିଶିଷ୍ଟ ଶିକ୍ଷାବିତ୍ ପ୍ରଫେସର ହରପ୍ରସାଦ ମହାପାତ୍ର ପତାକା ଉତ୍ତୋଳନ କରିଥିଲେ। ଦେଶ ଗଠନରେ ମହତ୍ବପୂର୍ଣ୍ଣ ଭୂମିକା ନିର୍ବାହ କରିଥିବା ବୀର ମହାପୁରୁଷଙ୍କ ଭୂମିକା ବର୍ଣ୍ଣନା କରିବା ସହିତ ଚାଇନାର ଦୌରାତ୍ମ୍ଯକୁ ଘୋର ନିନ୍ଦା କରିଥିଲେ। ଦେଶର ସମସ୍ତ ଯୁବକ ମାନେ ରାଷ୍ଟ୍ର ଗଠନରେ ବ୍ରତୀ ହେବାପାଇଁ ପରାମର୍ଶ ଦେଇଥିଲେ।ଏହା ସହିତ କରୋନା ଯୋଦ୍ଧା ମାନଙ୍କ ବୀରତ୍ୱକୁ ଉଚ୍ଚ ପ୍ରଂଶସା କରିଥିଲେ। ଏହି କାର୍ଯ୍ୟକ୍ରମରେ ପରିଷଦର କ୍ଷେତ୍ରୀୟ ସଂପାଦକ ଶ୍ରୀଧର ସାହୁ, ଉପାଧ୍ୟକ୍ଷ ହରେକୃଷ୍ଣ ସାହୁ,ଶାଖା ସଚିବ ପ୍ରଦୀପ ସାହୁ, ସଦସ୍ଯ ପ୍ରମୋଦ ପଟ୍ଟନାୟକ, ଅନାଦି ଚରଣ ମହାନ୍ତି, ଦୁର୍ଯ୍ୟୋଧନ ସାହୁ, ପ୍ରଫୁଲ୍ଲ କୁମାର ନାୟକ, ପ୍ରସନ୍ନ କୁମାର ବସନ୍ତିଆ, କାମାକ୍ଷା ପ୍ରସାଦ ଦାସ, ଶରତ ଚନ୍ଦ୍ର ମାହାପାତ୍ର, ସୂର୍ଯ୍ୟମଣି ସାହୁ ଉପସ୍ଥିତ ଥିଲେ।
