ଜିଲ୍ଲା ସ୍ତରୀୟ ସ୍ୱାଧିନତା ଦିବସ ପାଳିତ
ନୟାଗଡ଼, (ବାଘୁଆବାର୍ତ୍ତା): ଜିଲ୍ଲାସ୍ତରୀୟ ସ୍ୱାଧିନତା ଦିବସ ନୟାଗଡ଼ ପିଟିଏସ୍ ପଡ଼ିଆରେ ପାଳିତ ହୋଇଯାଇଛି । ମୁଖ୍ୟ ଅତିଥି ଭାବେ ରାଜ୍ୟ ସରକାରଙ୍କର ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ ମନ୍ତ୍ରୀ ସୁଦାମ ମାରାଣ୍ଡି ଯୋଗ ଦେଇ ପତାକା ଉତ୍ତୋଳନ କରିବା ସହ ପ୍ୟାରେଡ ଅଭିବାଦନ ଗ୍ରହଣ କରିଛନ୍ତି । ଏହି ଅବସରରେ ମନ୍ତ୍ରୀ ତାଙ୍କ ବକ୍ତବ୍ୟରେ ଯେଉଁ ମହାମାନବ ବରପୁତ୍ର ନିଜର ଅସୀମ ତ୍ୟାଗ, ଆତ୍ମବଳୀ ପ୍ରଦାନରେ ଆମ ପାଇଁ ସ୍ୱାଧିନତା ଆଣି ଭାରତକୁ ଏକ ସାର୍ବଭୈାମ ଗଣତାନ୍ତ୍ରିକ ସାଧାରଣତନ୍ତ୍ର ରାଷ୍ଠ୍ରରେ ପରିଣତ କରିଛନ୍ତି ସେମାନେ ଆଜିର ଦିନରେ ଚିରମନସ୍ୟ ବୋଲି କହଛନ୍ତି । ସରକାରଙ୍କର ଅନେକ ଜନହିତକର ଯୋଜନା ଗୁଡ଼ିକ ପ୍ରଣୟନ କରାଯାଇ ଲୋକମାନଙ୍କୁ ସୁବିଧା ସୁଯୋଗ ଦିଆଯାଇଛି । ରାଜ୍ୟ ସରକାରଙ୍କର ବଳିଷ୍ଠ ନେତୃତ୍ୱରେ ଦୁଇ ଦଶନ୍ଧି ଧରି ରାଜ୍ୟରେ ଏକ ସ୍ଥିର ଓ ଦୃଢ଼ ସରକାର ତିଷ୍ଠି ରହିଛି ବୋଲି ମନ୍ତ୍ରୀ କହିଛନ୍ତି । କରୋନା ମୁକାବିଲା ପାଇଁ ରାଜ୍ୟ ସରକାରଙ୍କ ପକ୍ଷରୁ ଗ୍ରହଣ କରାଯାଇଥିବା ପଦକ୍ଷେପ ସଂମ୍ପର୍କରେ ମନ୍ତ୍ରୀ ତାଙ୍କ ବକ୍ତବ୍ୟରେ କହିବା ସହ କରୋନା ଯୋଦ୍ଧାମାନଙ୍କୁ ଧନ୍ୟବାଦ ଦେଇଛନ୍ତି । ଏଥିସହିତ ମନ୍ତ୍ରୀ ନୟାଗଡ଼ ଜିଲ୍ଲାର ପୂଜ୍ୟ ପୁରୁଷଙ୍କୁ ସ୍ମରଣ କରିଥିବା ଜଣାଯାଇଛି । ସ୍ୱାଧିନତା ସଂଗ୍ରାମରେ ନୟାଗଡ଼ର ଭୂମିକା ଗୁରୁତ୍ୱ ପୂର୍ଣ୍ଣ ବୋଲି ମନ୍ତ୍ରୀ କହିଛନ୍ତି । ଏହି ପତାକା ଉତ୍ତୋଳନ କାର୍ଯ୍ୟକ୍ରମରେ ନୟାଗଡ଼ ଜିଲ୍ଲାପାଳ ଡ. ପୋମା ଟୁଡୁ, ଆରକ୍ଷୀ ଅଧକ୍ଷକ ପ୍ରତ୍ୟୁଷ ଦିୱାକର, ପ୍ରକଳ୍ପ ନିର୍ଦ୍ଦେଶକ ସୁବାସ ଚନ୍ଦ୍ର ରାୟ, ଅତିରିକ୍ତ ଜିଲ୍ଲାପାଳ ବିଧାନ ଚନ୍ଦ୍ର ରାୟ, ଉପଜିଲ୍ଲାପଳ ଲଗ୍ନଜିତ ରାଉତ, ବନଖଣ୍ଡ ଅଧିକାରୀ ଧନରାଜ୍ ଏଚ୍ଡିଙ୍କ ସହ ଜିଲ୍ଲାର ଅନେକ ବରିଷ୍ଠ ଅଧିକାରୀଙ୍କ ବୁଦ୍ଧିଜୀବୀମାନେ ଯୋଗ ଦେଇଥିଲେ । ଆଜିର କାର୍ଯ୍ୟକ୍ରମରେ କରୋନା ଯୋଦ୍ଧାଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଥିବା ଜଣାଯାଇଛି । ଡାକ୍ତର, ନର୍ସ ଏବଂ ଏଏନ୍ଏମ୍ଙ୍କ ପାଇଁ ପ୍ରଶାସନ ପକ୍ଷରୁ ସ୍ୱତନ୍ତ୍ର ବସିବା ସ୍ଥାନ କରାଯାଇଥିବା ଜଣାଯାଇଛି । ଏଥିସହିତ ଚଳିତ ବର୍ଷ ପ୍ରଥମ କରି ମୁଖ୍ୟ ଅତିଥି ପିଟିଏସ୍ ପଡ଼ିଆରେ ବୃକ୍ଷରୋପଣ କରିଥିବା ଜଣାଯାଇଛି ।
