ନୟାଗଡ଼, (ବାଘୁଆବାର୍ତ୍ତା) : କୋଭିଡ୍ ନିୟମକୁ ଖୋଲାଖୋଲି ଉଲଂଘନ କରିଛନ୍ତି ନୟାଗଡ଼ ସହର ଉପକଂଣ୍ଠରେ ଥିବା ଦୁଇଟି ହୋଟେଲ୍ । ଏନେଇ ଖବର ପାଇ ସ୍ପେଶାଲ୍ ସ୍ୱାର୍ଡ଼ ଟିମ୍ ଚଢ଼ାଉ କରିଥିବା ବେଳେ ନୟାଗଡ଼ ପିଟିଏସ୍ ଛକ ନିକଟବର୍ତ୍ତୀ କୋଏନା ହୋଟେଲର ଦୁଇ ଜଣ ବସି ଖାଉଥିବା ଦେଖିବାକୁ ପାଇଥିଲେ । ଯାହାକୁ ନେଇ କୋଏନା ହୋଟେଲ୍କୁ ଦୁଇ ହଜାର ଟଙ୍କା ଜୋରିମାନା କରାଯାଇଥିବା ଜଣାଯାଇଛି । ସେହିଭଳି ଭାବେ ଲେଙ୍କୁଡ଼ିପଡ଼ା ନିକଟସ୍ଥ ଗୁଗୁଲି ହୋଟେଲରେ କୋଡ଼ିଏରୁ ଉର୍ଦ୍ଧ୍ୱ ଲୋକଙ୍କୁ ହୋଟେଲ କର୍ମଚାରୀ ଖାଇବା ପରିସୁଥିବା ଦେଖା ଯାଇଥିଲା । ଯାହାକୁ ନେଇ ସ୍ପେଶାଲ୍ ସ୍ୱାର୍ଡ଼ ଗୁଗୁଲି ହୋଟେଲ୍ଠାରୁ ୭ ହଜାର ଟଙ୍କା ଜୋରିମାନା ଆଦାୟ କରିଥିବା ଜଣାଯାଇଛି । ଏହି ଚଢ଼ାଉରେ ନୟାଗଡ଼ ତହସିଲ୍ଦାର ଭିକାରୀ ସାହୁ, ସ୍ପେଶାଲ୍ ସ୍ୱାର୍ଡ଼ ଏସ୍ଆଇ ଧର୍ମେନ୍ଦ୍ର ଶିଆଳ ସାମିଲଙ୍କ ସହ କର୍ମଚାରୀମାନେ ସାମିଲ ହୋଇଥିଲେ ।
ମହଙ୍ଗା ପଡ଼ିଲା ଖାଇବା ପରସିବା, ଗୁଗୁଲି ଓ କୋଏନାକୁ ୯ ହଜାର ଜୋରିମାନା
