ଶବ ସତ୍କାର ପରେ ପଜିଟିଭ୍ ଘଟଣା, ବିଶୋଧନ ହେଲା ମାନପୁର

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଶରଣକୂଳ ଥାନା ପଂଚରିଡ଼ା ମାନପୁର ଗ୍ରାମକୁ ଆଜି ସକାଳୁ ଅଗ୍ନିଶମ ବାହିନୀ ଦ୍ୱାରା ବିଶୋଧନ କରାଯାଇଛି । ଗ୍ରାମରେ ଗତକାଲି ଜଣେ ଯୁବକଙ୍କ ମୃତ୍ୟୁ ଘଟିଥିବା ବେଳେ ତାଙ୍କର ଶବ ସତ୍କାର ପରେ ତାଙ୍କର ସ୍ୱାବ ରିର୍ପୋଟ ପଜିଟିଭ୍ ଆସିଥିଲା । ଯାହାକୁ ନେଇ ଗ୍ରାମରେ ଭୟ ଓ ଆତଙ୍କ ସୃଷ୍ଟି ହୋଇଥିବା ବେଳେ ଏହାକୁ ନେଇ ପ୍ରଶାସନିକ ଉଦାସିନତା ଦେଖା ଯାଇଥିଲା । ଗତକାଲି ଏନେଇ ଖବର ପ୍ରକାଶ ପାଇବା ପରେ ଆଜି ତତ୍ପରତା ପ୍ରକାଶ ପାଇଥିବା ବେଳେ ଅଗ୍ନିଶମ ବାହିନୀ ପକ୍ଷରୁ ପୂରା ଗ୍ରାମକୁ ବିଶୋଧନ କରାଯାଇଛି ।