ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଦରପଦା ନିକଟରେ ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟି ଚାରି ଜଣ ଗୁରୁତର ହୋଇଥିବା ଜଣାଯାଇଛି । ସୂଚନାନୁସାରେ, ସଦରଥାନା ଅନ୍ତର୍ଗର ଅଶ୍ୱସ୍ଥପଡ଼ା ଗ୍ରାମର କାହ୍ନା ସ୍ୱାଇଁ (୨୦) ତାଙ୍କ ସଂମ୍ପର୍କୀୟ ଦାଦା ସୁଦାମ ରାଉତ(୨୯)ଙ୍କ ସହ ଆଜି ରାକ୍ଷୀ ବାନ୍ଧିବାକୁ ଭଉଣୀ ଘରକୁ ଯାଇ ଫେରୁଥିବା ବେଳେ, ଅନ୍ୟ ଏକ ବାଇକରେ ବିପରିତ ଦିଗରୁ ଭାଟସାହି ଗ୍ରାମର ଶୁଶାନ୍ତ ନାୟକ (୨୨)ଙ୍କ ସହ ଶୁଶାନ୍ତ ନାୟକ (୨୪) ଆସୁଥିଲେ । ଉଭୟ ବାଇକ ଦରପଦା ବିଦ୍ୟାଳୟ ନିକଟରେ ମୁହାଁମୁହିଁ ହେବାରୁ ୪ ଜଣ କ୍ଷତାକ୍ତ ହୋଇଥିଲେ । ସ୍ଥାନୀୟ ଲୋକେ ୧୦୮ ଆମ୍ବୁଲାନ୍ସକୁ ଯୋଗାଯୋଗ କରିଥିବା ବେଳେ ଆମ୍ବୁଲାନ୍ସ ଆସିବାକୁ ବିଳମ୍ବ ହୋଇଥିଲେ । ଏହି ସମୟରେ ପ୍ରେଟୋଲିଂ ସାରି ସେହି ବାଟ ଦେଇ ଫେରୁଥିବା ଶରଣକୂଳ ଥାନା ଏସ୍ଆଇ ବିରଞ୍ଚି ଅମାତ୍ ଦୁର୍ଘଟଣା ଗ୍ରସ୍ତ ବ୍ୟକ୍ତିଙ୍କୁ ଉଦ୍ଧାର କରି ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତୀ କରିଥିଲେ । ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ୪ ଜଣଙ୍କୁ ଭୂବନେଶ୍ୱର ସ୍ଥାନାନ୍ତରିତ କରାଯାଇଥିବା ଜଣାଯାଇଛି ।
ମର୍ମନ୍ତୁଦ ଦୁର୍ଘଟଣା, ୪ ଗୁରୁତର
