ଜିଲ୍ଲାରୁ ୨୪ ଆକ୍ରାନ୍ତଙ୍କ ମଧ୍ୟରେ ରଣପୁରରୁ ସର୍ବାଧିକ ୧୨

ନୟାଗଡ଼, (ବାଘୁଆବାର୍ତ୍ତା) : ସାରା ବିଶ୍ୱରେ ଆତଙ୍କ ସୃଷ୍ଟି କରିଥିବା କରୋନା ମହାମାରୀ ଦ୍ୱାରା ଆଜି ରାଜ୍ୟରେ ୧୨୦୩ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଏଥିରେ ନୟାଗଡ଼ ଜିଲ୍ଲାରୁ ୨୪ ଜଣ ଆକ୍ରାନ୍ତ ଚିହ୍ନଟ ହୋଇଥିବା ରାଜ୍ୟ ସରକାର ସୂଚନା ଦେଇଛନ୍ତି । ସୂଚନାନୁସାରେ, ଜିଲ୍ଲାରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ସମସ୍ତେ ସ୍ଥାନୀୟ ସଂକ୍ରମିତ ବୋଲି ଜଣାପଡ଼ିଛି । ଏମାନଙ୍କ ମଧ୍ୟରେ ଭାପୁର ବ୍ଲକର ୬ ଜଣ, ଖଣ୍ଡପଡ଼ା ବ୍ଲକର ଜଣେ, ଓଡ଼ଗାଁର ୪ ଜଣ, ରଣପୁର ବ୍ଲକରୁ ୧୨ ଜଣ ଏବଂ ଅନ୍ୟ ଜଣେ ବାହାର ଜିଲ୍ଲାର ଆକ୍ରାନ୍ତ ବୋଲି ଜଣାଯାଇଛି ।