ନୟାଗଡ଼, (ବାଘୁଆବାର୍ତ୍ତା) : ଜିଲ୍ଲାରେ ସ୍ଥାନୀୟ ସଂକ୍ରମଣ ବୃଦ୍ଧି ପାଉଥିବାରୁ ଜିଲ୍ଲା ପ୍ରଶାସନ ଜିଲ୍ଲାକୁ ଲମ୍ବା ସଟ୍ଡାଉନ୍ ଘୋଷଣା କରିବା ନେଇ ମାନସ ମନ୍ଥନ ଚଲାଇଛନ୍ତି । ଅନ୍ୟ ଜିଲ୍ଲା ଭଳି ଅଗଷ୍ଟ ପହିଲାରୁ ନୟାଗଡ଼ ଜିଲ୍ଲାକୁ ୧୪ ଦିନ କିମ୍ବା ୧୦ଦିନ ସଟ୍ଡାଉନ୍ ଘୋଷଣା କରିବା ଯିବା ନେଇ ପ୍ରଶାସନ ନିଷ୍ପତ୍ତି ନେବାର ସମ୍ଭାବନା ରହିଥିବା ଜଣାଯାଇଛି । ସୂଚନାନୁସାରେ, ଜିଲ୍ଲାରେ ଆଜି ସୁଦ୍ଧା କରୋନା ଆକ୍ରାନ୍ତ ସଂଖ୍ୟା ୫୬୧ରେ ପହଂଚିଥିବା ବେଳେ ସୁସ୍ଥଙ୍କ ସଂଖ୍ୟା ୩୫୦ରୁ ଉଦ୍ଧ୍ୱର୍ ରହିଛି । ପ୍ରତ୍ୟେକ ଦିନ ୧୦ରୁ ଉଦ୍ଧ୍ୱର୍ ସ୍ଥାନୀୟ ସଂକ୍ରମିତ ଚିହ୍ନଟ ହେଉଥିବା ବେଳେ ଏବେ ଜିଲ୍ଲାର ଅଧିକାଂଶ ବ୍ଲକରେ ଆକ୍ରାନ୍ତ ସଂଖ୍ୟା ୫୦ରୁ ଉଦ୍ଧ୍ୱର୍ ହୋଇସାରିଛି । ଏଭଳି ପରିସ୍ଥିତି ଲୋକେ କରୋନା କଟକଣାକୁ ଅଣଦେଖା କରୁଥିବା ବେଳେ ଗ୍ରାମାଞ୍ଚଳରେ ଗୃହ ସଂଗରୋଧ କିଛି ମାନେ ରହୁନଥିବା ଜଣାଯାଇଛି । ଯାହାକୁ ନେଇ ଜିଲ୍ଲା ପ୍ରଶାସନ ଜିଲ୍ଲାକୁ ସଟ୍ଡାଉନ୍ କରିବା ନେଇ ସମ୍ଭାବନା ସୃଷ୍ଟି ହୋଇଛି ।
