ନୟାଗଡ଼ (ବାଘୁଆବାର୍ତ୍ତା): ନୟାଗଡ଼ର ବିଭିନ୍ନ ସ୍ଥାନରେ ଆଜି ଅପରାହ୍ନରେ ହୋଇଥିବା ବର୍ଷା ପାଇଁ ନଦୀର ଜଳସ୍ତର ବୃଦ୍ଧି ପାଇଛି । ଡାହୁକା, କୁସୁମୀ, କୁଆଁରିଆ, ଦୁଆଁଣ୍ଟ, ଲୁଣିଝରା ନଦୀର ଜଳସ୍ତର ବୃଦ୍ଧି ପାଇଛି । ନୟାଗଡ଼ ଜିଲ୍ଲାର ଖଣ୍ଡପଡ଼ା ଓ ନୂଆଗାଁ ବ୍ଲକରେ ଆଜି ପ୍ରବଳ ବର୍ଷା ହୋଇଥିବା ବେଳେ ଜିଲ୍ଲାର ଅନେକ ସ୍ଥାନରେ ମଧ୍ତ ବର୍ଷା ଲାଗି ରହିବାରୁ ଚାଷୀଙ୍କ ମନରେ ଆଶା ସଂଚାର ହୋଇଛି । ଜିଲ୍ଲାର ଅନେକ ସ୍ଥାନରେ ଚାଷ ବିଳମ୍ବ ହୋଇଥିବାରୁ ଚାଷୀମାନେ ଚାଷ କାର୍ଯ୍ୟ ଆଗେଇ ପାରି ନଥିଲେ । ଆଜିର ବର୍ଷା ଚାଷୀ କୂଳକୁ ଆଶ୍ୱସ୍ତ କରିଥିବା ବେଳେ ଦଶପଲ୍ଲା ବ୍ଲକ ଦେଇ ପ୍ରଭାବିତ ବୃତ୍ତଙ୍ଗ ନଦୀରେ ମଧ୍ୟ ବନ୍ୟାଜଳ ପ୍ରଭାବିତ ହେଉଥିବା ଜଣାଯାଇଛି ।
