ବାରିପଦା, (ବାଘୁଆବାର୍ତ୍ତା): ମୟୁରଭଞ୍ଜ ଜିଲ୍ଲା ବତେନଟୀ ବ୍ଲକ ଦହିକଟି ପଞ୍ଚାୟତ ଭାଲିଆ ଗାଁରୁ ଘଟିଛି ଭିନ୍ନ ଏକ ଘଟଣା । ଜଣେ ଯୁବକ ମହିଳା ବେଶରେ ଆତ୍ମହତ୍ୟା କରିଛନ୍ତି । ମୃତକ ଭାଳିଆ ଗାଁର କେଶବ ଚନ୍ଦ୍ର ମହାନ୍ତ । ସେ ଦୁଇ ପିଲାଙ୍କର ବାପା ବୋଲି ଜଣାପଡିଛି । ବର୍ତ୍ତମାନ ଯାଏଁ ଆତ୍ମହତ୍ୟାର କାରଣ ଜଣାପଡିନଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।ପୋଲିସ ଏକ ଅପମୃତ୍ୟୁ ମାମଲା ମଧ୍ୟ ରୁଜୁ କରିଛି । ଖବର ଅନୁଯାୟୀ, ଗାଁ ମୁଣ୍ଡ ଡାହିଜମିରେ ଥିବା ଏକ ମହୁଲ ଗଛରେ କେଶବଙ୍କ ଝୁଲନ୍ତା ମୃତଦେହ ଦେଖିଥିଲେ ସ୍ଥାନୀୟଲୋକେ । ଏହାପରେ ତୁରନ୍ତ ବେତନଟୀ ପୋଲିସକୁ ଖବର ଦେଇଥିଲେ । ବେତନଟୀ ପୋଲିସ ଘଟଣାସ୍ଥଳରେ ପହଞ୍ଚି ଏଭଳି ଘଟଣା ଦେଖି ଆଶ୍ଚର୍ଯ୍ୟ ହେବା ସହ ମୃତଦେହ ଉଦ୍ଧାର କରିଛି । ଏହାସହିତ ଏକ ଅପମୃତ୍ୟୁ ମାମଲା ମଧ୍ୟ ରୁଜୁ କରି ଛାନ୍ଭିନ୍ ଜାରି ରଖିଛି । ସେପଟେ ମୃତକଙ୍କ ପୁଅ ଓ ସଂପର୍କୀୟମାନେ ଘଟଣାସ୍ଥଳରେ ପହଞ୍ଚିଛନ୍ତି । କାହିଁକି ଏବଂ କେଉଁ ପରିସ୍ଥିତିରେ କେଶବ ମହିଳା ବେଶରେ ନିଜକୁ ସଜାଇଥିଲେ । ଏହାସହିତ କାହିଁକି ଆତ୍ମହତ୍ୟା ଭଳି ଚରମ ନିଷ୍ପତ୍ତି ନେଇଛନ୍ତି । ତାହା ଏବେ ଯାଏଁ ଅସ୍ପଷ୍ଟ ରହିଛି ।





