ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଓଡ଼ଗାଁ ବିଜ୍ଞାପିତ ଅଂଚଳ ପରିଷଦର ୩ଟି ୱାର୍ଡ଼କୁ ଗତକାଲି ଜିଲ୍ଲାପାଳ ଡ. ପୋମା ଟୁଡୁ କଣ୍ଟେନ୍ମେଣ୍ଟ ଘୋଷଣା କରିଥିବା ବେଳେ ସ୍ଥାନୀୟ ଲୋକେ ନାକାବନ୍ଦୀକୁ ବିରୋଧ କରିଥିଲେ । ଗତକାଲି ପୁଲିସ ଏବଂ ଏନ୍ଏସି କତ୍ତୁପକ୍ଷଙ୍କ ସହ ଲୋକମାନେ ଆଲୋଚନା କରିଥିବା ବେଳେ ଆଜି ସକାଳୁ କଣ୍ଟେନ୍ମେଣ୍ଟ ଜୋନ୍ର ସ୍ଥିରିକୃତ୍ତ ୯ଟି ସ୍ଥାନରେ ବ୍ୟାରିକେଟ୍ କରାଯାଇଛି । ସ୍ଥାନୀୟ ପୁଲିସଙ୍କ ଉପସ୍ଥିତିରେ ବ୍ୟାରିକେଟ୍ କରାଯାଇଥିବା ଏନ୍ଏସି ଭାରପ୍ରାପ୍ତ ନିର୍ବାହୀ ଅଧିକାରୀ ସନ୍ତୋଷ କୁମାର ଜେନା ସୂଚନା ଦେଇଛନ୍ତି ।
