ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଅବକାରୀ ସ୍କ୍ୱାଡ ପକ୍ଷରୁ ଚଢ଼ଉ କରାଯାଇ ୧୦୦୦ ଲିଟର ଦେଶୀ ମଦ ଜବତ କରାଯାଇଛି । ଯାହାର ମୂଲ୍ୟ ୨ ଲକ୍ଷ ଟଙ୍କା ହେବ ବୋଲି ଜଣା ପଡିଛି । ନୟାଗଡ଼ ନୂଆ ବସ୍ ଷ୍ଟାଣ୍ଡଠାରେ ଅବକାରୀ ସ୍କ୍ୱାଡ ପକ୍ଷରୁ ଚଢ଼ଉ କରାଯାଇ ଏକ ଟାଟା ଏସି ଗାଡିକୁ ଚେକିଙ୍ଗ କରିଥିଲେ । ଚେକିଙ୍ଗ ସମୟରେ ୨୦ ଗୋଟି ଜରି ବସ୍ତାରେ ଦେଶୀ ମଦ ଥିବା ଦେଖିବାକୁ ମିଳିଥିଲା । ଦଶପଲ୍ଲା ଅଞ୍ଚଳର ବନ୍ଧୁଗାଁ ଗ୍ରାମର ସ୍ୱର୍ଗତ ନରେନ୍ଦ୍ର ଚିନେରାଙ୍କ ପୁଅ ଶଙ୍କର ଚିନେରାକୁ ଗିରଫ କରିଥିଲେ । ଅବକାରୀ ସ୍କ୍ୱାଡ ପକ୍ଷରୁ ୩୪୩/୨୪ ରେ ମାମଲା ରୁଜୁ କରାଯାଇ ଶଙ୍କରକୁ ଗିରଫ କରାଯାଇଛି । ଏଥି ସହିତ ଟାଟା ଏସି ଗାଡ଼ି ନଂ-ଓଡି ୦୨ ବିଭି ୧୪୬୨ ଗାଡିକୁ ଜବତ କରାଯାଇଛି । ଯାହାର ମୂଲ୍ୟ ୫ ଲକ୍ଷ ଟଙ୍କା ହେବ । ଏହି ଚଢ଼ାଉରେ ମୋବାଇଲ ସ୍କ୍ୱାଡର ଅବକାରୀ ଇନିସପେକ୍ଟର ଭକ୍ତବତ୍ସଳ ବର୍ମା, ଅବକାରୀ ସବଇନିସପେକ୍ଟର ଅର୍ପିତାରାଣୀ ସାହୁ, ଏଏସଆଇ ବିଦ୍ୟାଧର ପ୍ରଧାନ, ଅବକାରୀ କନେଷ୍ଟବଳ ଦେବୀପ୍ରସାଦ ପାଣି, ନୀଳରୋହିତ ମଲ୍ଲିକ, ମିତା ନାୟକ, କୈବଲ୍ୟ ସ୍ୱାଇଁ, ଭାରତୀ ବରାଡ଼ ଓ ପ୍ରଶାନ୍ତ କୁମାର ସେଠୀ ପ୍ରମୁଖ ସାମିଲ ଥିଲେ ।





