ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲାପାଳ ଡ. ପୋମା ଟୁଡୁ ଆଜି ଓଡ଼ଗାଁ ବିଜ୍ଞାପିତ ଅଂଚଳ ପରିଷଦର ୩ଟି ୱାର୍ଡ଼ରେ କଣ୍ଟେନ୍ମେଣ୍ଟ ଲଗାଇଛନ୍ତି । ମାତ୍ର ଏହାକୁ କାର୍ଯ୍ୟକ୍ଷମ କରିବାକୁ ଏନ୍ଏସି ପ୍ରଶାସନ ବିରୋଧର ସମ୍ମୁଖୀନ ହୋଇଛନ୍ତି । ଲୋକେ କୈାଣସି କଟକଣାକୁ ମାନିବାକୁ ପ୍ରସ୍ତୁତ ନଥିବା ବେଳେ ନାକାବନ୍ଦୀ କରିବାକୁ ବିରୋଧ କରୁଛନ୍ତି । ଘଟଣାସ୍ଥଳରେ ନୟାଗଡ଼ ପୈାର ନିର୍ବାହୀ ଅଧିକାରୀ ତଥା ଓଡ଼ଗାଁ ଏନ୍ଏସି ଭାରପ୍ରାପ୍ତ ନିର୍ବାହୀ ଅଧିକାରୀ ସନ୍ତୋଷ କୁମାର ଜେନା, ଓଡ଼ଗାଁ ଥାନା ଅଧିକାରୀ ପହଂଚି ଲୋକଙ୍କୁ ବୁଝାଶୁଝା କରୁଥିବା ଜଣାଯାଇଛି । ଅନ୍ୟପକ୍ଷେ, ଏହି ୩ଟି ୱାର୍ଡ଼ର ୯ଟି ସ୍ଥାନରେ ନାକାବନ୍ଦୀ କରାଯିବ ବୋଲି ଜଣାଯାଇଛି । ପୂର୍ବରୁ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସେତେବେଳେ ସଂପୃକ୍ତ ଅଂଚଳରେ ବିଶୋଧନ କରାଯାଇନଥିଲା । ଏଥିସହିତ ତାଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତି ମଧ୍ୟ କରୋନା ପରୀକ୍ଷା କରାଯାଇନଥିବା ନେଇ ଲୋକେ ବିରୋଧ କରୁଥିବା ଜଣାଯାଇଛି ।
କଣ୍ଟେନ୍ମେଣ୍ଟକୁ ଓଡ଼ଗାଁରେ ବିରୋଧ, ଘଟଣାସ୍ଥଳରେ ପୁଲିସ ପ୍ରଶାସନ
