ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲାରେ କରୋନା କାୟା ମେଲାଇ ଚାଲିଛି । ଆଜି ଦଶପଲ୍ଲା ଥାନା, ଗଣିଆ ଥାନା ଏବଂ ଓଡ଼ଗାଁ ଥାନାରେ କରୋନା ପହଂଚିଥିବା ବେଳେ କେବଳ ଓଡ଼ଗାଁ ବ୍ଲକରୁ ୨୫ ଆକ୍ରାନ୍ତ ଚିହ୍ନଟ ହୋଇଥିବା ଜଣାଯାଇଛି । ଦଶପଲ୍ଲା ଥାନାର ଜଣେ ଏସ୍ଆଇ ଓ ଜଣେ ଏଏସ୍ଆଇ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଗଣିଆ ଥାନା ଅଧିକାରୀ କରୋନା ଆକ୍ରାନ୍ତ ହୋଇଥିବା ଜଣାଯାଇଛି । ସେହିଭଳି ଦଶପଲ୍ଲା ଏସ୍ଆଇଙ୍କ ପରିବାର ଦୁଇ ଜଣ ଆକ୍ରାନ୍ତ ହୋଇଥିବା ଜଣାଯାଇଛି । ସେହିଭଳି ଓଡ଼ଗାଁ ବ୍ଲକରୁ ୩୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ଜଣାଯାଇଛି । ଏହି ୨୫ ଜଣଙ୍କ ମଧ୍ୟରେ ଓଡ଼ଗାଁ ଥାନାରୁ ୨ ଜଣ, ଲଣ୍ଡାବାଦୁ ୩, ସୁନାମୁହିଁ ୨, ଭଗବତୀପ୍ରସାଦ ୨, ଗିରିଡ଼ିପଲ୍ଲୀ ୩, କୁରାଳ ତୋଟାସାହି ୯, ଓଡ଼ଗାଁ ବଜାର ସାହି ୧, ଖଡ଼ିତେଲୀ ସାହି ୨, ଅନ୍ୟାନ ୧ ଆକ୍ରାନ୍ତ ଥିବା ଜଣାଯାଇଛି । ଏହି ସମସ୍ତ ଆକ୍ରାନ୍ତ ସ୍ଥାନୀୟ ବୋଲି ପ୍ରାଥମିକ ଭାବେ ଜଣାଯାଇଛି । ଅନ୍ୟପକ୍ଷେ, ଗଣିଆ ଥାନା ଅଧିକାରୀଙ୍କ ସଂସ୍ପର୍ଶରେ ଆସିଥିବାରୁ ଆରକ୍ଷୀ ଅଧିକ୍ଷକ ଗୃହ ସଂଗରୋଧରେ ରହି ପାରନ୍ତି ବୋଲି ଆଲୋଚନା ହେଉଛି । ସେହିଭଳି ଦଶପଲ୍ଲା ଏବଂ ଗଣିଆ ଥାନା ସଟ୍ଡାଉନ୍ ହେବାର ସମ୍ଭାବନା ରହିଛି ।
