ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ବିଧାୟକ ତଥା ରାଜ୍ୟ ସରକାରଙ୍କ କୃଷି ମନ୍ତ୍ରୀ ଡ. ଅରୁଣ କୁମାର ସାହୁ କ୍ରିଦାଶପୁର ଗ୍ରାମପଂଚାୟତ ଅଧିବାସୀଙ୍କ ସହ ସବୁବେଳେ ଓ ସବୁ ସମୟରେ ରହିଥିବା ଆଜି ତାଙ୍କ ଭିସିରୁ ଜଣାଯାଇଛି । ଏହି ଅଂଚଳରେ ସରପଂଚ ଅନ୍ତର୍ଯ୍ୟାମୀ ଦାଶ, ଦଳ ସଭାପତି ପ୍ରଶାନ୍ତ ବେହେରା ଏବଂ ଦଳିୟ କର୍ମୀ ଏବଂ ସାଧାରଣ ଜନତାଙ୍କ ସହ ମନ୍ତ୍ରୀ ଦୀର୍ଘ ସମୟ ଭିସି ମାଧ୍ୟମରେ ଯୋଡ଼ି ହୋଇ ଅଂଚଳର ବିକାଶ, କରୋନା ସ୍ଥିତି ଏବଂ ସ୍ଥାନୀୟ ସମସ୍ୟା ସଂମ୍ପର୍କରେ ଆଲୋଚନା କରିଛନ୍ତି । ଗ୍ରାମାଞ୍ଚଳରେ କିଭଳି କୃଷି କାର୍ଯ୍ୟ ଚାଲିଛି ସେ ସଂମ୍ପର୍କରେ ମଧ୍ୟ ପଚାରି ବୁଝି ଥିବା ବେଳେ ବୟସ୍କ ଏବଂ ଶିଶୁ ମାନଙ୍କୁ ବାହାରକୁ ନବାହାରିବା ପାଇଁ ସଚେତନ କରିବାକୁ ପରାମର୍ଶ ଦେଇଛନ୍ତି । ଏହି କାର୍ଯ୍ୟକ୍ରମକୁ ବିଜୁ ଯୁବ ବାହିନୀ ବ୍ଲକ କୋଅଡିନେଟର୍ ମନୋଜ କୁମାର ନାୟକ ପରିଚାଳନା କରିବା ସହ ଲାକେଙ୍କୁ ଭିସି ମାଧ୍ୟମରେ ଯୋଡ଼ିବା ଦାୟିତ୍ୱ ଗ୍ରହଣ କରିଥିଲେ । ଆଜି ଏହି ଭିସିରେ ସୂଦୂର ଆମେରିକା, ବେଙ୍ଗାଲୁର ଏବଂ ହାଇଦ୍ରାବାଦରେ ରହୁଥିବା ଜେମାଦେଇପୁର ଗ୍ରାମର ଲୋକ ଯୋଡ଼ି ହୋଇ ମନ୍ତ୍ରୀଙ୍କ ସହ ଆଲୋଚନା କରିଥିଲେ ।
