ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଦଶପଲ୍ଲା ନିର୍ବାଚନ ମଣ୍ଡଳୀ ଅନ୍ତର୍ଗତ ମହୀପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଏବଂ ଗଣିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ରୋଗୀ କଲ୍ୟାଣ ସମିତି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଭିସି ମାଧ୍ୟମରେ ଯୋଗ ଦେଇ ବିଭିନ୍ନ ବିଷୟ ଉପରେ ଆଲୋଚନା କରିଛନ୍ତି । ଗଣିଆ ବ୍ଲକ ସଭା ଗୃହରେ ଅନୁଷ୍ଠିତ ବୈଠକରେ ଅନ୍ୟମାନଙ୍କ ମଧ୍ୟରେ ଅଧ୍ୟକ୍ଷ ଶେଷଦେବ ସ୍ୱାଇଁ ରୋଗୀ ଭିସି ଦ୍ୱାରା ଯୋଗ ଦେଇଥିବା ବେଳେ, ଅତିରିକ୍ତ ବିଡିଓ ସରୋଜ କୁମାର ନାୟକ, ମେଡିକାଲ ଇନଚାର୍ଯ ମଧୁସୂଦନ ଦାଶ, ଜିଲ୍ଲା ପରିଷଦ ସଭ୍ୟ ମହେଶ୍ୱର ମହାରଣାଙ୍କ ସମେତ ରୋଗୀ କଲ୍ୟାଣ ସମିତିର ସମସ୍ତ ସଭ୍ୟ/ସଭ୍ୟା ଉପସ୍ଥିତ ଥିଲେ । ଆୟୋଜିତ ବୈଠକରେ କରୋନା ସ୍ଥିତି, କୋଭିଡ୍ କୟୋର ହୋମ୍ ଆଦି ସଂମ୍ପର୍କରେ ଆଲୋଚନା ହୋଇଥିଲା । ଗଣିଆରେ ଥିବା ୩ଟି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଓ ଗୋଟିଏ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଜେନେରେଟର ଲଗାଯିବା ପାଇଁ ୫ ଲକ୍ଷ ଟଙ୍କା ଅନୁଦାନ ଆସିଥିଲେ ଏହା କାର୍ଯ୍ୟକାରୀ କରିବା ନେଇ ଆଲୋଚନା ହୋଇଥିଲା । ରୋଗୀ ସଂମ୍ପର୍କୀୟଙ୍କ ବସିବା ପାଇଁ ଏକ କକ୍ଷ କରିବାକୁ ସଭାରେ ପ୍ରସ୍ତାବ ଦିଆଯାଇଥିଲା । ସେହିଭଳି ମହୀପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ବିଭିନ୍ନ ସମସ୍ୟା ଏବଂ କରୋନା ସ୍ଥିତି ବିଷୟରେ ଆଲୋଚନା ହୋଇଥିବା ଜଣାଯାଇଛି ।
ମହୀପୁର ଓ ଗଣିଆରେ ଆର୍କେସି ବୈଠକ, ଭିସି ମାଧ୍ୟମରେ ଯୋଗ ଦେଲେ ଦଶପଲ୍ଲା ବିଧାୟକ
