ସତ୍ୟଙ୍କ ଅସତ୍ୟ ଖେଳରେ ଜଗନ୍ନାଥପ୍ରସାଦରେ ହେଲା କି ଲଙ୍କାକାଣ୍ଡ ?

ନୟାଗଡ଼, (ବାଘୁଆବାର୍ତ୍ତା) : ଖଣ୍ଡପଡ଼ା ବ୍ଲକ ଜଗନ୍ନାଥପ୍ରସାଦ ଗ୍ରାମର ଆଜି ହୋଇଥିବା ଲଙ୍କାକାଣ୍ଡ ପଛରେ ଏକ ଗୁଢ଼ ରହସ୍ୟ ଥିବା ଆଲୋଚନା ହେଉଛି । ସ୍ଥାନୀୟ ନେତାଙ୍କୁ ବଦନାମ କରିବାକୁ ଯାଇ ଜିଲ୍ଲା ପ୍ରଶାସନକୁ ଖାଲରେ ପକା ଯାଇଥିବା ଆଲୋଚନା ହେଉଛି । ଏହା ପଛରେ କିଛି ସତ୍ୟ ନାମଧାରୀ ସଂସ୍ଥା ତଥା ବ୍ୟକ୍ତି ବିଶେଷ କିମ୍ବା ତାଙ୍କ ନିକଟତ୍ତମ ଲୋକଙ୍କ ପ୍ରଚ୍ଛନ ହାତ ରହିଥିବା ନେଇ ଖଣ୍ଡପଡ଼ାରେ ଚର୍ଚ୍ଚା ଜୋର ଧରିଛି । ପ୍ରାୟୋଜିତ ଭାବେ ଘଟା ଯାଇଥିବା ଏହି ଲଙ୍କା କାଣ୍ଡ ଦ୍ୱାରା ଗ୍ରାମବାସୀ ଉତ୍ତେଜିତ ହୋଇ ଆମ୍ବୁଲାନ୍ସ ଭାଙ୍ଗିବା, ପୁଲିସ କର୍ମଚାରୀଙ୍କ ମୁଣ୍ଡ ଫଟାଇବା ଭଳି ଘଟଣା ଘଟିବା ସହ ୩୦ କରୋନା ଆକ୍ରାନ୍ତ କୋଭିଡ୍ କେୟାର ହୋମ୍‌ରୁ ଖସି ଯାଇଥିଲେ । ପରିସ୍ଥିତି ଏଭଳି ହୋଇଥିଲା ଯେ, ଜଗନ୍ନାଥପ୍ରସାଦ ଗାଁରେ ଦୁଇ ପ୍ଲାଟୁନ୍ ପୁଲିସ ଫୋର୍ସ ମୁତୟନ କରିବା ପର୍ଯ୍ୟନ୍ତ କଥା ଯାଇଥିଲା । ଏହି ପରିସ୍ଥିତିକୁ ସ୍ଥାନୀୟ ବିଡିଓ, ତହସିଲାଦାର ସମ୍ଭାଳିବାକୁ ଅସମର୍ଥ ହୋଇଥିବା ବେଳେ ଘଟଣାସ୍ଥଳରେ ନୟାଗଡ଼ ଉପଜିଲ୍ଲାପାଳ ଲଗ୍ନଜିତ ରାଉତ ପହଂଚି ଅଣାୟତ ପରିସ୍ଥିତିକୁ ନିୟନ୍ତ୍ରଣକୁ ଆଣିବାକୁ ସଫଳ ହୋଇଥିଲେ । ଗ୍ରାମବାସୀଙ୍କ ସହ ଦୀର୍ଘ ସମୟ ଆଲୋଚନା ପରେ କରୋନା ଆକ୍ରାନ୍ତମାନଙ୍କୁ ଖଣ୍ଡପଡ଼ା କୋଭିଡ୍ କେୟାରକୁ ସ୍ଥାନାନ୍ତରିତ କରାଯାଇଥିବା ବେଳେ ସମସ୍ତ ଗ୍ରାମବାସୀଙ୍କ ସ୍ୱାବ ପରୀକ୍ଷା କରାଯିବ ବୋଲି ଜଣାଯାଇଛି । ମାତ୍ର ଏହି ମୋଟ ଘଟଣା ପଛରେ ନେତାକୁ ବଦନାମ୍ କରିବାର ମୁଖ୍ୟ ଉଦ୍ଦେଶ୍ୟ ରହିଥିବା ଆଲୋଚନା ହେଉଛି । ସତ୍ୟଙ୍କ ଅସତ୍ୟର ପାର୍ଦୃଭାବ ରହିଥିବା ଏବଂ କାଣ୍ଡକୁ ଜାଣିଶୁଣି ତିଆରି କରାଯାଇଥିବା ନେଇ ପ୍ରଶ୍ନ ଉଠିଛି । ନୟାଗଡ଼ର ନେତା ଏବଂ ପ୍ରଶାସନକୁ ବଦନାମ କରିବାକୁ ଯାଇ ଜିଲ୍ଲା ପ୍ରବାସୀ ସତ୍ୟ ଏବଂ ତାଙ୍କ ସହଯୋଗୀ ଆଜି ଘଟାଇଥିବା କାଣ୍ଡରେ ପୁଲିସ ଓ ପ୍ରଶାସନ କି ପଦକ୍ଷେପ ନେଉଛି ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଏହି ସତ୍ୟର ସତ୍ୟତା ଉପରେ ପରଦା ଯଥାଶୀଘ୍ର ଉଠା ଯାଉ ବୋଲି ଖଣ୍ଡପଡ଼ା ବାସୀ ଦାବି କରିଛନ୍ତି ।