ବାଲିପାଟଣା, (ବାଘୁଆବାର୍ତ୍ତା): ଯୁବ ବ୍ୟବସାୟୀଙ୍କୁ ତଣ୍ଟି କାଟି ହତ୍ୟା । ଏକ ଧାରୁଆ ଅସ୍ତ୍ରରେ ବେକ କାଟି ହତ୍ୟା କରାଯାଇଥିବା ସନ୍ଦେହ କରାଯାଉଛି । ଘଟଣାସ୍ଥଳରେ ବାଲିଅନ୍ତା ଥାନା ପୋଲିସ ଛାନ୍ଭିନ୍ କରୁଛି । ମୃତ ଯୁବ ବ୍ୟବସାୟୀଙ୍କ ନାମ ବିଶ୍ୱଜିତ ନାୟକ ବୋଲି ଜଣାପଡିଛି । ଖବର ଅନୁଯାୟୀ, ବିଶ୍ୱଜିତ୍ ନାୟକଙ୍କ ଘର ଭୁବନେଶ୍ୱର ଉପକଣ୍ଠ ବାଲିଅନ୍ତା ଥାନା ସାଗୁଆ ଗାଁରେ । ସେ ହୋଟେଲ ବ୍ୟବସାୟ କରୁଥିଲେ । ହେଲେ ଏବେ ବିଶ୍ୱଜିତ୍ଙ୍କ ମୃତଦେହ ଘର ଭିତରେ ପଡିରହିଛି । ବିଶ୍ୱଜିତ୍ଙ୍କ ବେକରେ କ୍ଷତ ଚିହ୍ନ ରହିଛି । ତେଣୁ ତାଙ୍କୁ ଏକ ଧାରୁଆ ଅସ୍ତ୍ରରେ ବେକ କାଟି ହତ୍ୟା କରାଯାଇଥିବା ଅନୁମାନ କରାଯାଉଛି । ତେବେ ବିଶ୍ୱଜିତ୍ଙ୍କ ମୃତ୍ୟୁ ପରେ ପୁରା ଅଞ୍ଚଳରେ ଚର୍ଚ୍ଚାର ଜୋରସୋରରେ ଚାଲିଛି । କିଏ ଓ କାହିଁକି ବିଶ୍ୱଜିତ୍ଙ୍କୁ ହତ୍ୟା କରିଛି । ତାକୁ ନେଇ ସମସ୍ତଙ୍କ ମନରେ ପ୍ରଶ୍ନ ଉଙ୍କି ମାରୁଛି । ସେପଟେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ତଦନ୍ତ ଜାରି ରଖିଛି । ଏହାସହିତ ପରିବାର ଲୋକେ ଏବଂ ଗ୍ରାମବାସୀଙ୍କୁ ପଚରାଉଚରା କରୁଛି ପୋଲିସ । ତେବେ ଯଦି ଆବଶ୍ୟକ ପଡିଲେ ସାଇଣ୍ଟିଫିକ୍ ଟିମ୍ର ସହଯୋଗ ନେଇପାରେ ପୋଲିସ ।





