ଜଳେଶ୍ୱର, (ବାଘୁଆବାର୍ତ୍ତା): ଜଳେଶ୍ୱର ପୋଲିସ ଦ୍ୱାରା ଜଳେଶ୍ୱର ଥାନା ଆମ୍ବଳିଅଠା ଅଞ୍ଚଳରୁ ୨୮୩ ଗ୍ରାମ ବ୍ରାଉନସୁଗାର ଜବତ ହୋଇଛି । ୨ ଜଣ ବ୍ରାଉନସୁଗାର ବେପାରୀ ଗିରଫ ହୋଇଛନ୍ତି । ଗିରଫ ଯୁବକ ଦୁଇ ଜଣ ହେଲେ ନୂଆବଜାର ଓ ଶେଖବାଡ଼ ଅଂଚଳର । ସାମ୍ବାଦିକ ସମ୍ମିଳନୀରେ ସୂଚନା ଦେଲେ ବାଲେଶ୍ୱର SP ସାଗରିକା ନାଥ । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୨୮ ଲକ୍ଷ ୩୦ ହଜାର ଟଙ୍କା ହେବ । ସୂଚନାଯୋଗ୍ୟ ଯେ, ବାଲେଶ୍ଵର ଜିଲ୍ଲା ଜଳେଶ୍ୱର ଥାନା ଅଂଚଳରେ ଦୀର୍ଘ ଦିନ ହେବ ବ୍ରାଉନସୁଗାର କାରବାର ପୋଲିସର ମୁଣ୍ଡବ୍ୟଥାର କାରଣ ସାଜିଛି । ଗତକାଲି ପୋଲିସ ୫୭ନଂ ରାଜ୍ୟ ରାଜପଥ ଆମ୍ବଳିଅଠା ଅଂଚଳରେ ଜଣେ ବ୍ରାଉନସୁଗାର ମାଫିଆ ସହିତ ଶେଖବାଡ଼ ଅଞ୍ଚଳରୁ ଅନ୍ୟ ଏକ ବ୍ରାଉନସୁଗାର ମାଫିଆକୁ ଗିରଫ କରିବା ସହ ତାଙ୍କଠାରୁ ୨୮୩ ଗ୍ରାମ ବ୍ରାଉନସୁଗାର, ଗୋଟିଏ ବାଇକ୍ ଓ ୩ଟି ମୋବାଇଲ ଜବତ କରିଛି ପୋଲିସ। ସାମ୍ବାଦିକ ସମ୍ମିଳନୀରେ ସୂଚନା ଦେଲେ ବାଲେଶ୍ୱର SP ସାଗରିକା ନାଥ । ପୋଲିସ ବ୍ରାଉନସୁଗାର ମାଫିଆକୁ ଗିରଫ କରି ଅଧିକ ତଦନ୍ତ ଜାରି ରଖିଛି ପୋଲିସ ।





