ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ସାହିତ୍ୟ ଏକାଡେମୀ ସଦସ୍ୟ ଭାବେ ଇଟାମାଟି ଶିକ୍ଷା ଓ ବୈଷୟିକ ମହାବିଦ୍ୟାଳୟ ଅଧ୍ୟକ୍ଷ ଅଶୋକ କୁମାର ନାୟକ ମନୋନୀତ ହୋଇଛନ୍ତି । ଇଟାମାଟି ମହାବିଦ୍ୟାଳୟରେ ଜଣେ ଛାତ୍ର ବତ୍ସଳ ଅଧ୍ୟକ୍ଷ ଭାବେ ପରିଚିତ ଶ୍ରୀଯୁକ୍ତ ନାୟକ ଏକାଧାରରେ ଜଣେ ବକ୍ତା, ସାହିତ୍ୟିକ ଏବଂ ପରୋପକାରୀ ମଣିଷ । ସେ ନୟାଗଡ଼ ଜିଲ୍ଲା ସାହିତ୍ୟ ଏକାଡେମୀ ସଦସ୍ୟ ଭାବେ ମନୋନୀତ ହେବାକୁ ନେଇ ଜିଲ୍ଲା ସାହିତ୍ୟିକ ମହଲରେ ଖୁସିର ଲହରୀ ଖେଳି ଯାଇଛି । ଯଦୁମଣୀ ସାହିତ୍ୟ ସଂସଦ ସଭାପତି ଭାବେ ଶ୍ରୀଯୁକ୍ତ ନାୟକ ଦୀର୍ଘ ବର୍ଷ ଧରି କାର୍ଯ୍ୟ କରି ଅପାର ସଫଳତା ପାଇବା ସହ ସାଧୁବାଦ ସାଉଣ୍ଟିଥିବା ବେଳେ ସାହିତ୍ୟ ଏକାଡେମୀ ସଦସ୍ୟ ହେବା ପରେ ଜିଲ୍ଲାରେ ସାହିତ୍ୟ କ୍ଷେତ୍ରରେ ଉନ୍ନତୀ ଆଣିପାରିବେ ବୋଲି ଜଣାଯାଇଛି ।
