ଜଗତସିଂହପୁର, (ବାଘୁଆବାର୍ତ୍ତା): ମଠ ମହନ୍ତଙ୍କୁ କଟୁରୀରେ ହାଣି ହତ୍ୟା । ଜଗତସିଂହପୁର ଜିଲ୍ଲା ବାଲିକୁଦା ଥାନା ବରଗୁଡିପଡା ଠାରେ ଥିବା ଆଦିମାତା ମଠର ମହନ୍ତଙ୍କୁ ହତ୍ୟା କରାଯାଇଛି । ସୂଚନାଯୋଗ୍ୟ ଯେ, ଜଗତସିଂହପୁର ଜିଲ୍ଲା ବାଲିକୁଦା ଥାନା ବରଗୁଡିପଡା ଠାରେ ଥିବା ଆଦିମାତା ମଠର ମହନ୍ତଙ୍କୁ ହତ୍ୟା । ଆଦୀମାତା ମଠର ମହନ୍ତ ବାବାଜୀ ପ୍ରହ୍ଲାଦ ଦାସ । ହତ୍ୟାକାଣ୍ଡର କାରଣ ଜଣାପଡ଼ିନାହିଁ । ଏକ କଟୁରୀରେ ହାଣି ଫେରାର ହୋଇ ଯାଉଥିବା ବେଳେ ଅଭିଯୁକ୍ତକୁ କାବୁ କଲେ ଗ୍ରାମବାସୀ । ହତ୍ୟାକାଣ୍ଡରେ ବ୍ୟବହୃତ ରକ୍ତ ଭିଜା କଟୁରୀ ଜବତ ହୋଇଛି । ଅଭିଯୁକ୍ତ ନାରଦିଆ ଗାଁର ବାନାମ୍ବର ଦାସ । ଘଟଣା ସ୍ଥଳରେ ପହଞ୍ଚିଲା ବାଲିକୁଦା ପୋଲିସ । ତଦନ୍ତ ଜାରି ରହିଛି । ପ୍ରତିବାଦରେ ସ୍ଥାନୀୟ ଗ୍ରାମବାସୀଙ୍କ ପାଳଧୁଆ ବନ୍ଧ ନିକଟରେ ବୋରିକିନା-ଗୋଡା ମୁଖ୍ୟ ରାସ୍ତା ଅବରୋଧ କରାଯାଇଛି ।





