ଭଦ୍ରକ, (ବାଘୁଆବାର୍ତ୍ତା): ପୂର୍ବତନ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ତଥା ଅଵସର ପ୍ରାପ୍ତ ଡାକ୍ତରଙ୍କୁ ଛୁରାମାଡ । ଯାଜପୁର ଜିଲ୍ଲାର ପୂର୍ବତନ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ରଘୁନାଥ ପାଢୀଙ୍କୁ ଛୁରା ମାଡ । ଆଜି ଭୋର ୪.୩୦ ସମୟରେ ତାଙ୍କର ଘର ଟାଉନଥାନା ଅଧିନ ଚାରି ଘରିଆରେ ଥିବା ବେଳେ ତାଙ୍କୁ ଛୁରାମାଡ ହୋଇଛି । ଦେହର ୭ରୁ ଅଧିକ ସ୍ଥାନରେ ଛୁରାମାଡ ହୋଇଛି । ଗୁରୁତର ଅଵସ୍ଥାରେ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଘରେ ସେ ତାଙ୍କର ସ୍ତ୍ରୀ ଥିଲା ବେଳେ ତାଙ୍କୁ ଛୁରାମାଡ। ଚୋରି ଉଦ୍ଦେଶ୍ୟରେ ଆସି ଛୁରାମାଡ ହୋଇଥିବା ସୂଚନା । ସୂଚନା ଥାଉକି, ଭୋରୁ ଭୋରୁ କିଛି ଦୁର୍ବୃତ୍ତ ଚୋରି କରିବା ଉଦ୍ଦେଶ୍ୟରେ ତାଙ୍କ ଘରେ ପଶିଥିଲେ । ତେବେ ଏହି ସମୟରେ ଦୁର୍ବୃତ୍ତଙ୍କୁ ବିରୋଧ କରିଥିଲେ ରଘୁନାଥ । ଫଳରେ ଦୁର୍ବୃତ୍ତଙ୍କ ଆକ୍ରମଣର ଶିକାର ହୋଇଥିଲେ । ଦୁର୍ବୃତ୍ତମାନେ ତାଙ୍କ ଶରୀରକୁ ବାରମ୍ୱାର ଆକ୍ରମଣ କରିଥିଲେ । ଏମିତିକି ତାଙ୍କ ଶରୀରରେ ୭ ରୁ ଅଧିକ ସ୍ଥାନରେ ଆକ୍ରମଣ କରାଯାଇଛି । ତେବେ କିଛି ଚୋରି ହୋଇଛି କି ନାହିଁ ତାହା ଜଣାପଡିନି । ତାଙ୍କ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।





