ନୟାଗଡ଼,(ବାଘୁଆବାର୍ତ୍ତା): ଦଶପଲ୍ଲା ବ୍ଲକ ଅନ୍ତର୍ଗତ ବାଣିଗୋଚ୍ଛା ଥାନାକୁ ବିଡ଼ାପାଜୁ ଗ୍ରାମର ଅର୍ଜ୍ଜୁନ ବାଗ ନିଜ ପତ୍ନୀ ଧରିତ୍ରୀ ବାଗ୍ଙ୍କ ମୁଣ୍ଡ କାଟି ଥାନାରେ ଆତ୍ମ ସମର୍ପଣ ଘଟଣାରେ ସ୍ୱାମୀକୁ ପୁଲିସ ଗିରଫ କରିଛି । ପରକୀୟା ପ୍ରୀତି ଓ ଗୁଣି ସନ୍ଦେହ କରି ଅର୍ଜ୍ଜୁନ ପତ୍ନୀଙ୍କୁ ହତ୍ୟା କରିବା ପରେ ଏକ ବସ୍ତାରେ ମୁଣ୍ଡ, ହତ୍ୟାରେ ବ୍ୟବହୃତ ଟାଙ୍ଗିଆ ଧରି ଶନିବାର ସଂନ୍ଧ୍ୟାରେ ବାଣିଗୋଚ୍ଛା ଥାନାରେ ପହଞ୍ଚିଥିଲା । ଘଟଣାସ୍ଥଳରେ ନୟାଗଡ଼ ଏସଡିପିଓ ସ୍ନେହାଶିଷ ସାହୁ ଏବଂ ବାଣିଗୋଚ୍ଛା ପୁଲିସ ପହଞ୍ଚି ଘଟଣାର ତଦନ୍ତ କରିଥିଲେ । ଗତକାଲି ରାତି ହୋଇ ଯାଇଥିବାରୁ ରବିବାର ନୟାଗଡ଼ ଅତିରିକ୍ତ ଆରକ୍ଷୀ ଅଧିକ୍ଷକ ସୁବାଷ ଚନ୍ଦ୍ର ପଣ୍ଡା ଏବଂ ଏସଡିପିଓ ସାଇଣ୍ଟିଫିକ୍ ଟିମ୍ ଏବଂ ଡଗ୍ ସ୍କ୍ୱାର୍ଡ ଜରିଆରେ ତଦନ୍ତ କରିଥିଲେ । ମାଜିଷ୍ଟେଡଙ୍କ ଉପସ୍ଥିତିରେ ଶବକୁ ପଞ୍ଚନାମା କରାଯିବା ପରେ ଏକ ଡାକ୍ତରୀ ଦଳ ଜରିଆରେ ବ୍ୟବଚ୍ଛେଦ କରାଯାଇଥିବା ଏସଡିପିଓ ସୂଚନା ଦେଇଛନ୍ତି । ଧରିତ୍ରୀଙ୍କ ବାପା ଦୁର୍ଯ୍ୟୋଧନ ବାଗ୍ଙ୍କ ଅଭିଯୋଗକ୍ରମରେ ବାଣିଗୋଚ୍ଛା ଥାନାରେ ଏହ ହତ୍ୟା ମାମଲା ରୁଜୁ କରାଯାଇଛି । ଅଭିଯୁକ୍ତକୁ ଗିରଫ କରାଯାଇଥିବା ବେଳେ ଆସନ୍ତାକାଲି କୋର୍ଟ ଚାଲାଣ କରାଯିବ ବୋଲି ଏସଡିପିଓ କହିଛନ୍ତି ।





