ଦଶପଲ୍ଲା, (ବାଘୁଆବାର୍ତ୍ତା) : ଦଶପଲ୍ଲାର ବି.ବି. ସେଣ୍ଟ୍ରାଲ ଏକାଡେମୀ ବିଦ୍ୟାଳୟର ଚଳିତ ବର୍ଷ ପ୍ରଥମ ବ୍ୟାଚ୍ ପିଲା ୯ଜଣ ପରୀକ୍ଷା ଦେଇଥିଲେ । ସେଥିମଧ୍ୟରୁ ସର୍ବୋଚ୍ଚ ୯୪.୮ ପ୍ରତିଶତରୁ ସର୍ବନିମ୍ନ ୭୨ ପ୍ରତିଶତ ନମ୍ବର ରଖି ସମସ୍ତ ଛାତ୍ରଛାତ୍ରୀ ପାସ୍ କରିଛନ୍ତି । ଅଭିପ୍ସା ସାହୁ ୯୪.୮ ପ୍ରତିଶତ ରଖି ବିଦ୍ୟାଳୟର ଟପ୍ପର ହୋଇଥିବା ବେଳେ ସୋନାଲି ବେହେରା ୯୨.୬ ପ୍ରତିଶତ, ଯୁଗାଂଶୁ ପ୍ରଧାନ ୯୧.୮ ପ୍ରତିଶତ, ଏମ୍ ପ୍ରକାଶ ଦଳବେହେରା ୯୧.୪ ପ୍ରତିଶତ, ଅଙ୍କିତା ପ୍ରିୟଦର୍ଶିନୀ ୯୦ ପ୍ରତିଶତ ନମ୍ବର ରଖିଛନ୍ତି । ଅନ୍ୟ ୪ଜଣ ମଧ୍ୟ ୮୫ ରୁ ୭୨ ପ୍ରତିଶତ ରଖି କୃତକାର୍ଯ୍ୟ ହୋଇଛନ୍ତି । ଛାତ୍ରଛାତ୍ରୀଙ୍କର ଏହି ସଫଳତା ପଛରେ ବିଦ୍ୟାଳୟର ଅଧ୍ୟକ୍ଷା ଏବଂ ପରିଚାଳନା କମିଟି ମୁଖ୍ୟ ବିରଞ୍ଚି ନାରାୟଣ ରଥଙ୍କର ବଳିଷ୍ଠ ଅବଦାନ ରହିଥିବା ଛାତ୍ରଛାତ୍ରୀମାନେ କୁହନ୍ତି । ଏହି ସଫଳତା ପାଇଁ ଅଭିଭାବକ ତଥା ଦଶପଲ୍ଲା ଅଞ୍ଚଳରେ ଆନନ୍ଦର ବାତାବରଣ ସୃଷ୍ଟି ହେବା ସହ ବିଦ୍ୟାଳୟର ଗୌରବ ବୃଦ୍ଧି ହୋଇଛି ।
