ନୟାଗଡ଼, (ବାଘୁଆବର୍ତ୍ତା) : ନୟାଗଡ଼ ଜିଲ୍ଲା ଖଣ୍ଡପଡ଼ା ବ୍ଲକ୍ ଅନ୍ତର୍ଗତ ନବଗଠିତ ବଳଭଦ୍ରପ୍ରସାଦ ଗ୍ରାମ ପଂଚାୟତରେ ଜଣେ କରୋନା ଆକ୍ରାନ୍ତ ଚିହ୍ନଟ ପରେ ସରପଂଚ ସସ୍ମିତା ଦାସ ନିଜ ପଂଚାୟତକୁ ସଟ ଡାଉନ ଘୋଷଣା କରିବା ପାଇଁ ନିର୍ଦ୍ଦେଶନାମା ଜାରି କରିଛନ୍ତିା ସଂକ୍ରମଣ ଆଶଙ୍କା କରି ଶ୍ରୀମତୀ ଦାସ ଆକ୍ରାନ୍ତଙ୍କ ସଂଶ୍ପର୍ସରେ ଆସିଥିବା ପଂଚାୟତର ୧୨୩ଜଣଙ୍କ ସ୍ବାବ ନମୁନା ସଂଗ୍ରହ କରି ପରୀକ୍ଷା ପାଇଁ ପଠାଇଛନ୍ତି। ତେଣୁ ପରୀକ୍ଷା ରିପୋର୍ଟ ନ ଆସିବା ପର୍ଯ୍ୟନ୍ତ ଆସନ୍ତା କାଲି ଅର୍ଥାତ ସୋମବାର ଦିନ ସକାଳ ୭ରୁ ବୁଧବାର ଦିନ ସଂଧ୍ୟା ୭ଟା ପର୍ଯ୍ୟନ୍ତ ପଂଚାୟତ ସଟ୍ ଡାଉନ ରହିବ । ନୂଆପଡ଼ା ମୌଜା ସମେତ ବଳଭଦ୍ରପ୍ରସାଦ, ଗୌଡ଼ପାଟଣା ଓ ଦୁଃଖାପଲ୍ଲୀ ଗ୍ରାମକୁ ମଧ୍ୟ ସଟ ଡାଉନ ଘୋଷଣା କରାଯିବା ସହ ସମସ୍ତ ମୁଖ୍ୟ ରାସ୍ତାକୁ ସିଲ୍ କରି ଦିଆଯାଇଛି ଏବଂ କେହି ବାହାରକୁ ବାହାରି ପାରିବେ ନାହିଁା ପୁଲିସ ପକ୍ଷରୁ ଏ ନେଇ ମଧ୍ୟ କଡ଼ା ଯାଂଚ କରାଯିବା ସହ ବାହାର ଲୋକ ଯେପରି ନିଜ ପଂଚାୟତରେ ପ୍ରବେଶ ନ କରିବେ, ସେଥିପ୍ରତି ଧ୍ୟାନ ଦିଆଯିବ ବୋଲି ଶ୍ରୀମତୀ ଦାସ ସୂଚନା ଦେଇ କହିଛନ୍ତିା
