ନୟାଗଡ଼, (ବାଘୁଆବାର୍ତ୍ତା): ଦିନ ଦ୍ୱିପହରେ ସ୍କୁଟି ଚୋରି । ଗତକାଲି ନୟାଗଡ଼ ମେଡିକାଲ ପରିସରରୁ ଏକ ସ୍କୁଟି ଚୋରି ହୋଇଥିଲା । ନୟାଗଡ଼ ଟାଉନ ଥାନା ପକ୍ଷରୁ ଚଢ଼ଉ କରାଯାଇ ଜଣେ ଯୁବକକୁ ଅଟକ ରଖାଯାଇଛି । ସୁଚନାନୁସାରେ ଗତ କାଲି ନୟାଗଡ଼ ବ୍ଲକ ଅନ୍ତର୍ଗତ ଖୁଟୁବନ୍ଧ ପଞ୍ଚାୟତର ଜାମୁସାହି ଗ୍ରାମର ରବିନ୍ଦ୍ର ସେଠି ତାଙ୍କ ପତ୍ନୀଙ୍କୁ ଧରି ନୟାଗଡ଼ ମୁଖ୍ୟ ଚିକିତ୍ସାଳୟକୁ ଆସିଥିଲେ । ସେ ତାଙ୍କ ସ୍ତ୍ରୀଙ୍କୁ ଡାକ୍ତରଖାନାରେ ଚିକିତ୍ସିତ ହୋଇସାରିବା ପରେ ତାଙ୍କ ଗାଡ଼ି ଆଉ ପାଇନଥିଲେ । ସେ ନୟାଗଡ଼ ଟାଉନ ଥାନାରେ ଅଭିଯୋଗ କରିଥିଲେ । ଅଭିଯୋଗ ମୁତାବକ ଟାଉନ ଥାନା ପୋଲିସ ତତ୍କ୍ଷଣାତ୍ ପଦକ୍ଷେପ ନେଇ ଜଣଙ୍କୁ ଅଟକ ରଖିଛି । ଟାଉନ ଥାନା ସବ୍ ଇନିସ୍ପେକ୍ଟର ଧର୍ମେନ୍ଦ୍ର ଶିଆଳ ସିସି ଟଭି ଯାଞ୍ଚ କରି ୨୪ ଘଣ୍ଟା ପୂର୍ବରୁ ଆସାମିକୁ ଧରିବାରେ ସଫଳ ହୋଇଛନ୍ତି । ଦଶପଲ୍ଲା ତ୍ରିନାଥ ବଜାର ମାଟିଆ ପ୍ରଧାନଙ୍କ ପୁଅ ଆନନ୍ଦ ପ୍ରଧାନ ଏବେ ନୟାଗଡ଼ ଟାଉନ ଥାନାରେ ଅଟକ ଅଛନ୍ତି । ପୋଲିସ ପକ୍ଷରୁ ଅଧିକ ତଦନ୍ତ ଜାରି ରହିଛି ।





