କୋଭିଡ୍ ନିୟମକୁ ଖୋଲାଖୋଲି ଫୁ’
ନୟାଗଡ଼, (ବାଘୁଆବାର୍ତ୍ତା) : ସାରା ବିଶ୍ୱରେ ଆତଙ୍କ ଖେଳାଇଥିବା କରୋନା ମହାମାରୀ ପାଇଁ ସାରା ରାଜ୍ୟ ତଥା ଜିଲ୍ଲାରେ କଟକଣା ଲାଗୁ କରାଯାଇଥିବା ବେଳେ ନୟାଗଡ଼ ଜିଲ୍ଲାରେ କୋଭିଡ୍ ନିୟମର ଖୋଲାଖୋଲି ଉଲଂଘନ ଚାଲିଛି । ସରକାର କରୋନା ମହାମାରୀ ପାଇଁ ସମସ୍ତ ଶିକ୍ଷାନୁଷ୍ଠାନ ବନ୍ଦ କରିବାକୁ ନିର୍ଦ୍ଦେଶ ଦେଇଥିବା ବେଳେ ଜିଲ୍ଲାରେ ଏହାର ଓଲଟା ଚିତ୍ର ଦେଖିବାକୁ ମିଳୁଛି । ଟିୟ୍ୟୁଟୋରିଆଲ୍ ମାଲିକମାନେ ଏବେ ପାହାନ୍ତିଆ ପହରରେ ଟ୍ୟୁସନ୍ କରୁଥିବା ନେଇ ଅଭିଯୋଗ ଆସୁଛି । ଭୋର ୪ଟାରୁ ସକାଳ ଏବଂ ସଂନ୍ଧ୍ୟାରୁ ରାତି ୧୦ ପର୍ଯ୍ୟନ୍ତ ମେଂଚା ମେଂଚା ପିଲାଙ୍କୁ ଏକାଠି କରି ଟ୍ୟୁସନ୍ ଚାଲୁଥିବବ୍ୱେଳେ ପୁଲିସ କିମ୍ବା ଜିଲ୍ଲା ପ୍ରଶାସନ ପକ୍ଷରୁ ଏହାକୁ ନେଇ କୈାଣସି ପ୍ରତିବନ୍ଧକ ନାହିଁ । ସୂଚନାନୁସାରେ, ଜିଲ୍ଲାରେ ୨୭୦ରୁ ଉର୍ଦ୍ଧ୍ୱ କରୋନା ଆକ୍ରାନ୍ତ ଚିହ୍ନଟ ହୋଇସାରିଥିବା ବେଳେ ସେମାନଙ୍କ ମଧ୍ୟରୁ ଏକାଧିକ ସ୍ଥାନୀୟ ସଂକ୍ରମିତ ଚିହ୍ନଟ ହୋଇଛନ୍ତି । ଯାହାକୁ ନେଇ ଜିଲ୍ଲାବାସୀଙ୍କ ମଧ୍ୟରେ ଚିନ୍ତା ବଢ଼ିଥିବା ବେଳେ ଟିୟୁଟୋରିଆଲ୍ ମାଲିକମାନେ ଅର୍ଥ ପିପାଷୁ ସାଜିଥିବା ସାଧାରଣରେ ଅଭିଯୋଗ ହେଉଛି । ଏଭଳି ବେନିୟମ କାର୍ଯ୍ୟକୁ ପ୍ରଶାସନ ତରଫରୁ ବନ୍ଦ କରାନଗଲେ ସଂକ୍ରମଣ ବଢ଼ିବାର ଆଶଙ୍କା ପ୍ରକାଶ ପାଇଛି ।
