ଗଣିଆ ବ୍ଲକ ସିଲ୍, ବିଡିଓ ସଂଗରୋଧରେ
ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରେ ଗତକାଲି ୩୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସେମାନଙ୍କ ମଧ୍ୟରେ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟର ଜଣେ ଡାକ୍ତର ଏବଂ ଗଣିଆ ବ୍ଲକର ଜଣେ କର୍ମଚାରୀ ରହିଥିବା ଜଣାଯାଇଛି । ଯାହାକୁ ନେଇ ପ୍ରଶାସନର ମୁଣ୍ଡ ବିନ୍ଧା ବଢ଼ିଥିବା ବେଳେ ଗଣିଆ ବ୍ଲକ କାର୍ଯ୍ୟାଳୟ ଏବଂ ବ୍ଲକ କଲୋନୀକୁ ସିଲ୍ କରି ଦିଆଯାଇଛି । ଅନ୍ୟପକ୍ଷେ, ଏହି ବ୍ଲକ ବିଡିଓ ସିରିଏଲ୍ ପଟେଲଙ୍କ ସମେତ ଅନ୍ୟ କିଛି କର୍ମଚାରୀଙ୍କୁ ଗୃହ ସଂଗରୋଧରେ ରହିଥିବା ଜଣାଯାଇଛି । ଜିଲ୍ଲା ମୁଖ୍ୟ ଚିକିତ୍ସାଳୟର ଡାକ୍ତର ଜଣଙ୍କ ହରିହରପୁର କରଡ଼ାଶାସନ ଗ୍ରାମର ହୋଇଥିବା ବେଳେ ସେ ଦୁଇ ମାସ ହେବ ନୟାଗଡ଼ ଡାକ୍ତରଖାନାରେ କାର୍ଯ୍ୟରେ ଯୋଗ ଦେଇଥିବା ଜଣାଯାଇଛି ।
