ନୟାଗଡ଼,(ବାଘୁଆବାର୍ତ୍ତା) : ନୟାଗଡ଼ ଜିଲ୍ଲାରେ ନିଦ ହଜାଇଲା କରୋନା । ଜିଲ୍ଲାରୁ ୩୭ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସେମାନଙ୍କ ମଧ୍ୟରୁ ୧୮ ଜଣ ଓଡ଼ଗାଁ ବ୍ଲକର ରହିଛନ୍ତି । ସେହିଭଳି ନୟାଗଡ଼ ଓ ଆଖପାଖ ଅଂଚଳରୁ ୧୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏପରିସ୍ଥଳେ ନୟାଗଡ଼ ପୁରୁଣା ସହର ଏମ୍ଆଇ୍ କଲୋନୀ ଏବଂ ବଳରାମ ସାହିକୁ ଜିଲ୍ଲାପାଳ ଡ. ପୋମା ଟୁଡୁ କଣ୍ଟେନ୍ମେଣ୍ଟ ଜୋନ୍ ଘୋଷଣା କରିଛନ୍ତି । ଏହି ସ୍ଥାନରୁ ସ୍ୱାମୀ ସ୍ତ୍ରୀ କରୋନା ଆକ୍ରାନ୍ତଙ୍କୁ ନେଇ ଗୋଷ୍ଠୀ ସଂକ୍ରମଣ ଭୟ ଥିବାରୁ ଜିଲ୍ଲା ପ୍ରଶାସନ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଥିବା ଜଣାଯାଇଛି ।
